Madrasa

Tolong madrasa sa Registan nin Samarkand, tinugdok kan Timurid Renaissance

Moskeng Al Azhar asin Unibersidad sa Cairo

Madrasa (/məˈdræsə/, pati US: /-rɑːs-/, UK: /ˈmædrɑːsə/; Arabic: مدرسة [mædˈræ.sæ, ˈmad.ra.sa] ( dangogon), pl. مدارس, madāris) iyo an Arabikong tataramon para sa dawa anong klase nin instintusyong edukasyon, sekular o relihiyoso (nin anumang relihiyon), dawa pa edukasyong elementarya o halangkaw na pag-aadal. An tataramon iyo manlainlain na nagagamit bilang Madrasah arifah, medresa, madrassa, madraza, medrese, asin iba pa. Sa ibang nasyon sa luwas kan kinaban Arabo, an terminong ini mapadapit sa sarong klaseng pangrelihiyosong eskwelahan o kolehiyo sa pag'adal nin relihiyon Islam, alagad pwedeng bako sana ini an aadalan.

Sa arkitektural asin historikal na konsteksto, an terminong ini manongod sa partikular na institusyon sa historikong Muslim na kinaban na primeramente nagtutukdo sana nin Islamikong ley asin hurisprudensya (fiqh), asin iba pa man na bagay sa piling okasyon. An orihinal na tipo kan siring na institusyon nasususog ki Nizam al-Mulk,sarong vizier sa irarom nin pagboot kan mga Seljuk kan ika-11 na siglo, na responsable sa pagtugdok kan enot na network nin mga opisyal na mga madrasas sa Iran, Mesopotamia, asin Khorasan. Hale igdi, an pagtugdok nin mga madrasa naglakop na sa enterong kinaban Muslim sa masurunod na mga siglo, parati pararehas na modelo nin arkitektura.