Metals

Tas straipsnis īr aple medega. Aple mozėka veiziekėt Metala mozėka

Metals īr vėinėnė medega, katrā iprastuom sālīguom karaktuorėngs dėdlis alektrėnis ė šėlomėnis laidoms, švėisuos atspėndiejėms īr. Metalu juonus jong metalėnės jongtīs. Aple 95 kemėnē elementā ėš 118 gal būtė skaituomė metalās.

Palē fizėkėnės īpatībės īr skėramė:

Lėngvė̄jė metalā (Li, Be, Mg, Ti ė kėtė)
Smagė̄jė, aba sonkė̄jė metalā (Mn, Fe, Co, Ni ė kėtė)

Kai katrėi metalā īr radėjėaktīvė (U, Th, Np, Pu ė kėtė).

Žemės plotuo tonkiausē īr sotėnkamė Al (8,8 %), Fe (5,1 %), Ca (3,38 %), Na (2,64 %).

Palē atuoma sandara ė vėita perijuodėnie elementu sėstemuo īr skėramė:

Šarmėnē metalā (I A, da žėnuomė kāp 1 gropė),
šarmėniu žemiu metalā (II A, da žėnuomė kāp 2 gropė)
parēnamė̄jė metalā (I B–VIII B, da žėnuomė kāp 3–12).