Velocidá angular

La frecuencia angular ye una midía que dexa conocer la velocidá de rotación d'un oxetu.

En física, más correutamente en mecánica, la velocidá angular ω (tamién conocida como frecuencia angular o pulsación) ye una midida de la velocidá de rotación. Mídese en radianes por segundu (o cenciellamente s^-1 porque los radianes son adimensionales).

La razón d'ello ye que una revolución dafecha ye igual a 2π radianes:

\omega ={\frac {d\theta }{dt}}={{2\pi } \over {T}}=2\pi f

cuando T ye'l periodu y f ye la frecuencia.

L'emplegu de la velocidá angular n'arrou de frecuencia ordinaria ye práutica en numberoses aplicaciones, porque evita l'apaición escesiva de π. Na realidá, emplégase n'aquelles estayes de la física nes qu'intervienen fenómenos periódicos, por exemplu en mecánica cuántica y lletromagnetismu.

Tamién facer notar que:

T={\frac {2\pi r}{v}}\,

Poro:

\omega ={\frac {2\pi }{T}}={\frac {v}{r}}

Considerando que T ye'l periodu y v ye la velocidá tanxencial d'un puntu respeutu al exe de rotación.

Por exemplu:

a=-\omega ^{2}x\,

Si s'emplegase la frecuencia ordinaria, esta ecuación sería:

a=-4\pi ^{2}f^{2}x\,

Velocidá angular como veutor

El veutor velocidá angular obedez a la regla del sacacorchos.

En delles situaciones, ye interesante asociar un veutor a la velocidá angular. El veutor que se-y asocia tien como módulu el valor escalar de la velocidá angular y como direición, la del exe de rotación siguiendo la regla del sacacorchos: la direición del veutor velocidá angular de un torniellu que xira ye la del sen del su avance.

Ejemplo de utilización: Si'l radiu de xiru d'un puntu s'amuesa por un veutor $\scriptstyle {\vec {r}}$ que va dende'l centru de rotación hasta'l puntu, la velocidá tanxencial del puntu escríbese:

{\vec {V}}_{T}={\vec {\omega }}\times {\vec {r}}

Au el símbolu $\scriptstyle {\times }$ conseña'l productu veutorial.

Ver tamién