Titán (satélite)
 .svg){kind=small} Titán | |
|---|---|
satélites de Saturnu y satélite regular (es)  | |
 | |
| Símbolu astronómicu |
|
| Descubridor | Christiaan Huygens[1] |
| Data de descubrimientu | 25 marzu 1655 |
| Epónimu | Titán |
| Carauterístiques |
life on Titan (en) |
| Oxetu astronómicu padre | Saturnu |
| Apoastru | 1 257 060 km |
| Periastru | 1 186 680 km |
| Carauterístiques físiques | |
| Radiu | 2574 km |
| Masa | 134,518 Yg[2] |
| Densidá | 1,8798 g/cm³[2] |
| Albedu | 0,22 |
| Puntu más altu |
Montes Mithrim (es) |
| Carauterístiques orbitales | |
| Periodu orbital | 15,945421 d |
| Semiexe mayor (a) | 1 221 870 km |
| Periheliu (q) | 1 186 680 km |
| Afeliu (Q) | 1 257 060 km |
| Escentricidá orbital (e) | 0,0288 |
 | |
Titán ye una lluna o satélite de Saturnu, la más grande de les d'esti planeta y el segundu mayor satélite natural del Sistema Solar. Ye la única lluna que tien una atmósfera densa, y ye l'únicu oxetu conocíu nel espaciu, aparte de la Tierra, nel que s'alcontraron evidencies de la esistencia de mases estables de líquidu na so superficie[3].
Titán ye una de les siete llunes de forma redondeada per aciu de la so propia gravedá qu'orbiten Saturnu, y la segunda más alloñada d'elli de toes elles. Descrita davezu como un satélite asemeyáu a un planeta, Titán ye un 50% mayor en diámetru que la Lluna terrestre y tien un 80% más de masa qu'ella. Ye, tres de Ganimedes, la lluna de Xúpiter, la segunda mayor lluna del Sistema Solar; dafechu, ye mayor en volume que Mercuriu, magar que nun tien más qu'un 40% de la so masa.
Descubiertu en 1655 pol astrónomu neerlandés Christiaan Huygens, Titán foi'l primer satélite conocíu de Saturnu, ya'l sestu de tolos del Sistema Solar (tres de la Lluna y les cuatro llunes galileanes de Xúpiter). Titán orbita a Saturnu a una distancia de 20 radios saturnales. Dende la superficie de Titán Saturnu subtiende un arcu de 5,09 graos, y si fora posible ver el planeta al traviés de la densa atmósfera titánica, aparecería nel so cielu con un tamañu 11,4 veces mayor del que tien la Lluna vista dende la Tierra.
Titán compónese principalmente de material rocosu y xelu, organizáu nún nucleu rocosu arrodiáu per delles capes de xelu, incluyendo una corteya de xelu Ih y, xustu perbaxu d'ella, una capa d'agua líquido rico n'amoniacu[4]. De forma asemeyada a lo qu'asocedió con Venus primeru de la era espacial, la densa y opaca atmósfera de Titán impidió conocer y entender cómo yera la so superficie. Nun sería posible talu conocimientu hasta qu'aportaron a la Tierra los datos aportaos pola misión Cassini-Huygens, en 2004, qu'incluyeron el descubrimientu de llagos d'hidrocarburos líquidos nes rexones polares de Titán. La superficie de la lluna, xeolóxicamente xoven, ye en xeneral llana, con perpocos cráteres d'impautu y tamién dalgunos montes y posibles criovolcanes.
L'atmósfera de Titán componese fundamentalmente de nitróxenu: otros elementos menos abondantes provoquen la formación de nubes de metanu ya etanu, y de niebla organonitroxenada. El clima, qu'inclúi vientu y lluvia, crea elementos na superficie asemeyaos a los de la Tierra, como dunes, ríos, llagos, mares (probablemente de metanu ya etanu líquidos) y deltes, y tien patrones climáticos estacionales como los del nuestru planeta. Les mases líquides, superficiales y soterránees, d'etanu, xunto cola so robusta atmósfera nitroxenada, dan llugar a un ciclu del metanu ablucamentemente asemeyáu al ciclu del agua de la Tierra, magar que a temperatures muncho más baxes, d'alredor de 94 K (-179,2 °C, -290,5 ºF).
El 2 d'ochobre de 2013 anunciose que'l espectrómetru infrarroxu compuestu de la sonda Cassini detectó propilenu na atmósfera baxa de Titán, no que foi la primer detección confirmada d'esta sustancia en denguna parte, sacante la Tierra, del Sistema Solar.[5][6].
Anguaño ta en marcha un proyectu de la NASA que pretende llevar a Titán, en 2024, una sonda nomada Dragonfly, que al ser un dron ha desplazase pol satélite volando en cuantes llegue a elli[7].
Referencies
[editar | editar la fonte]- ↑ Afirmao en: A Short History of Astronomy. Autor: Arthur Berry. Editorial: John Murray. Llingua de la obra o nome: inglés británicu. Data d'espublización: 1898.
- ↑ 2,0 2,1 DOI: 10.1086/508812.
- ↑ «Go Ahead, Take a Spin on Titan - Saturn's biggest moon has gasoline for rain, soot for snow, and a subsurface ocean of ammonia. Now there's a map to help guide the search for possible life there.». The New York Times. December 3, 2019. https://www.nytimes.com/2019/12/03/science/titan-saturn-map.html. Consultáu'l December 5, 2019.
- ↑ (2009) Springer Science & Business Media: Titan from Cassini-Huygens. ISBN 9781402092152.
- ↑ «Encuentran en Titán propileno que se utiliza en plásticos». El Comercial. 2 de octubre de 2013. http://www.elcomercial.com.ar/index.php?option=com_telam&view=deauno&idnota=367581&Itemid=116. Consultáu'l 3 de octubre de 2013.
- ↑ NASA halla propileno en Titán, una luna de Saturno. Prensa Popular. 1 de octubre de 2013. Archivado del original el 2013-10-04. https://web.archive.org/web/20131004100634/http://peru21.pe/vida21/nasa-halla-propileno-titan-luna-saturno-2151545. Consultáu'l 3 de octubre de 2013.
- ↑ «NASA's Dragonfly Will Fly Around Titan Looking for Origins, Signs of Life.», noticia na web de la NASA (27 de xunu de 2019).
Enllaces esternos
[editar | editar la fonte]
Wikimedia Commons acueye conteníu multimedia sobre Titán.
Datos: Q2565- Multimedia: Titan (moon)