Jim Carrey

Jim Carrey
Vida
Nacimientu	Newmarket, 17 de xineru de 1962 (62 años)
Nacionalidá	Estaos Xuníos Canadá
Llingua materna	inglés
Familia
Padre	Percy Carrey
Madre	Kathleen Carrey
Casáu con	Melissa Womer (1987 – div. 1995) Lauren Holly (1996 – div. 1997)
Pareyes	Renée Zellweger Laurie Holden Jenny McCarthy Ginger Gonzaga
Fíos/es	Jane Carrey
Estudios
Estudios	Agincourt Collegiate Institute (en) Aldershot School (en)
Llingües falaes	inglés
Oficiu	comediante, productor de cine, actor de voz, guionista, actor de televisión, actor, pintor, productor, comediante en direuto
Trabayos destacaos	The Mask
Premios	ver caballeru de les Artes y les Lletres Orde de les Artes y les Lletres Anexo:Premio de MTV Película a la Mejor Actuación Cómica  (1995) : Dumb and Dumber MTV Movie Award for Best Kiss  (1995) : Dumb and Dumber Anexo:Premio de MTV Película a la Mejor Actuación Cómica  (1996) : Ace Ventura: When Nature Calls Premio MTV Movie a la mejor interpretación masculina  (1996) : Ace Ventura: When Nature Calls MTV Movie Awards al mejor villano  (1997) : The Cable Guy Paséu de la Fama de Canadá  (1998) Premios Globu d'Oru  (1999) MTV Movie Awards al mejor villano  (2001) : Dr. Seuss' How the Grinch Stole Christmas MTV Movie Award for Best Breakthrough Performance  (2006) Anexo:Premio de MTV Película a la Mejor Actuación Cómica  (2009) : Yes Man
Seudónimos	Jim Carrey
Xéneru artísticu	Comedia comedia observacional (es) physical comedy (en) humor absurdo (es) comedia de carácter (es) imitador Slapstick Sátira
IMDb	nm0000120

James Eugene Carrey (17 de xineru de 1962, Newmarket), más conocíu como Jim Carrey, ye un actor y comediante canadianu, anque la mayor parte de la so carrera desendólcala nos Estaos Xuníos. Amás de ser un destacáu actor cómicu, tamién tuvo munchu ésitu en papeles dramáticos.

El so talentu pa imitar, improvisar ya inventar personaxes de lo más estremaos convirtiéronlu en pocos años nel cómicu por escelencia del cine americanu. Non toles películes fueron sinónimu d'ésitu na so carrera y, paradoxes de la vida, algamó más reconocencia polos sos dos únicos papeles dramáticos que pol restu.

Biografía

Datos

Carrey nació'l 17 sxineru de 1962 en Canadá, nuna familia católica y d'antepasaos franco-canadianos (l'apellíu orixinal yera Carré).

Ye'l fíu menor de Percy Carrey (músicu de jazz aficionáu) que yera un altu executivu d'una importante empresa, pero cuando Jim cuntaba con 14 años, dicha empresa zarró y el so proxenitor quedose en paru y ensin perspeutives de salir del atolladeru.

Y Kathy (o Kathleen) la ma de Jim, contraxo una enfermedá de la que nun llograría curar enxamás (el so pa morrió d'Alzheimer en 1994 y la so ma a falta d'un reñon en 1995). Tien tres hermanos nomaos Patricia, Rita y John, que son mayores qu'él.

La so xestualidá cómica yá la desendolcara siendo mui pequeñu, y recuerda a la Jerry Lewis. Arranando dende guahe dedícase al humor, a los diez años mandó un curriculum vitae a The Carol Burnett Show, famosu programa de sketches humorísticos emitíu na cadena de televisión de los estaos Xuníos CBS.

Cuando la empresa na que trabayaba'l so pá s'arruinó d'esmenu, los Carrey viéronse somorgiaos na probitú, tuvieron qu'abandonar la so lluxosa vivienda de Burlington ya instalase nún modestu pisu de la periferia, tola familia treslladóse dende Toronto hasta la ciudá de Scarborough, más sero, incluso, abeyugáronse en tiendes de campaña instalaes en tarrenos d'unos familiares. Forciáu pola so familia a sobrevivir, abandona la escuela y xunto al so pá y tres hermanes mayores, trabayaron como llimpiadores nocherniegos nuna fábrica de neumáticos nomada "Titan".

Si na so carrera profesional Jim fizo realidá'l so suañu de ser actor, no personal nun tuvo tanta suerte. Tuvo dos vegaes casáu, primero cola actriz Melissa Womer, cola que tien una fía, y cola que sufrió un angustiosu divorciu, y dempués con Lauren Holly (conociéronse nel rodaxe de Dumb and Dumberer). Dempués de fracasar nuevamente na so rellación, tuvo a punto de casase por tercer vez con Reneé Zellweger, pero a la fin l'actriz decidió dar marcha antrás y romper col actor.

En 1987 casóse con Melissa Worner, camarera d'ún de los clubes nos qu'actuó nos sos entamos como showman. Divorciáronse en 1995.

En 1996 casóse cola actriz Lauren Holly (la protagonista femenina de "Dos tontos mui tontos"), de la que se divorció en 1997.

Foi mozu de la tamién actriz Renee Zellweger, de la que s'enamoró demientres el rodaxe de "Me, Myself & Irene".

Mantuvo una rellación con Jenny McCarthy dende avientu del 2005.

Despegue profesional

En 1977, animáu pol so pá, Carrey, empecipió a trabayar como payasu, imitaba nún cabaret de Toronto a Elvis Presley, James Stewart, y Jerry Lewis, permaneció 4 años nel cabaret y ganó dalgo de dineru pa llevantar el so llar.

En Toronto, y a la edá de 15 años, Carrey quixo probar suerte como humorista y tuvo actuando na ciudá canadiana. Fasta qu'un día decidió emigrar a Los Angeles, (California).

A los 19 años foi descubiertu pol cómicu Roger Dangerfield, quien lu llevó a Las Vegas, y convirtióse nún de los cómicos más populares de la televisión norteamericana por mor de la serie In Living Color.

En 1984 algamó facese con un papel na serie de televisión The Duck Story, primer pasu para dar el saltu al cine.

Anque emprimara en películes menores un añu enantes, de magar mediaos de los años 1980 intervino como secundariu en conocíos títulos como Peggy Sue Got Married (1986) de Francis Ford Coppola, o La llista negra(1986), con Clint Eastwood.

L'ésitu tardaría entá una década n'aportar, foi en 1991, col espaciu televisivu, In Living Color. Gracies al ésitu en televisión pasó al cine, protagonizando la so primera película, Ace Ventura en 1994. Esi mesmu añu conviértese nuna estrella tres protagonizar, amás, otres dos películes 'La Máscara y dos tontos muy tontos.

Gana'l Globu d'Oru al meyor actor con The Truman Show (Una vida en direutu) (1998), de Peter Weir, y Man on the moon (1999), de Miloš Forman; siendo nomáu n'anteriores y posteriores ediciones.

Carismáticu, multifacéticu y perseverante, Jim ye actualmente ún de los actores más cotizaos de Hollywood. Tres permanecer varios años encaxelláu nún ciertu tipu de personaxes amosó la so diversidá ensin perdese nel camín, consolidándose ansí como ún de los meyores actores de la so xeneración.

Anguaño, Carrey, confiesa que too-y lo debe al so pá, porque foi él quien lu animó a xubir al escenariu y quien, más sero, lu emburrió haza Los Angeles.

Filmografía

• The Sex and Violence Family Hour (1983)
• All in Good Taste (1983)
• Copper Mountain (1983)
• Rubberface (1983)
• Finders Keepers (1984)
• Once Bitten (1985)
• Peggy Sue Got Married (1986)
• The Dead Pool (1988)
• Earth Girls Are Easy (1989)
• Ace Ventura: Pet Detective (1994)
• The Mask (1994)
• Dumb and Dumber (1994)
• Batman Forever (1995)
• Ace Ventura: When Nature Calls (1995)
• The Cable Guy (1996)
• Liar Liar (1997)
• The Truman Show (1998)
• Man on the Moon (1999)
• Me, Myself & Irene (2000)
• Dr. Seuss' How the Grinch Stole Christmas (2000)
• The Majestic (2001)
• Bruce Almighty (2003)
• Eternal Sunshine of the Spotless Mind (2004)
• Lemony Snicket's A Series of Unfortunate Events (2004)
• Fun with Dick and Jane (2005)
• The Number 23 (2007)
• Horton Hears a Who! (2008) (voice)
• Yes Man (2008)
• I Love You Phillip Morris (2009)
• A Christmas Carol (2009)
• Mr. Popper's Penguins (2011)
• The Incredible Burt Wonderstone (2013)
• Kick-Ass 2 (2013)
• Dumb and Dumber To (2014)
• The Bad Batch (2016)
• True Crimes (2016)

Curiosidaes

• Ye'l cómicu meyor pagáu del mundu. Tien el récor de sueldu por una película llegando a cobrar 30 millones de dólares por The Cable Guy.
• Les crítiques más favoratibles de la so carrera ye con drames como The Truman Show, Man on the Moon, y la traxicomedia Eternal Sunshine of the Spotless Mind colos que ganó un Globu d'Oru.
• Enllenó l'ataúd del so pá con dineru depués del so primer gran ésitu.

Enllaces esternos

• Wikimedia Commons acueye conteníu multimedia sobre Jim Carrey.
• Jim Carrey Online

• Jim Carrey na Internet Movie Database (n'inglés)
• El Criticón

• Datos: Q40504
• Multimedia: Jim Carrey