Hopen

Hopen
Situación
País	Noruega
Archipiélagu	Svalbard
Tipu	islla
Parte de	Svalbard
Asitiáu en	Océanu Glacial Árticu
Coordenaes	76°33′N 25°07′E / 76.55°N 25.12°E
	Hopen Hopen (Svalbard)
	Hopen Hopen (Árticu)
Datos
Altitú media	370 m
Puntu más altu	Iversenfjellet (en)
Superficie	47 km²
Población	4
Fusu horariu	UTC+01:00
Llonxitú	33 km

La islla de Hopen ye una pequeña islla poblada del archipiélagu noruegu de les islles Svalbard, nel océanu Árticu.^[1] Alministrativamente, pertenez a Noruega, como territoriu Soveranu.

La estación meteorolóxica ta nel llau sureste, a unos siete kilómetros del estremu sur. Mientres la Segunda Guerra Mundial, de 1943 a 1945, la Fuerza Aéreo y la Marina Alemanes caltuvieron equí una estación meteorolóxica. L'Institutu Meteorolóxicu de Noruega estableció la estación en 1947. La estación inda ta en funcionamientu, tamién tien una estacion de radio, cuntaba con un personal permanente de 4 persones y 6 perros nórdicos, nel añu 2008, a los que conocense como los "hopenitanos".

Xeografía

La islla de Hopen alcuéntrase en la parte sureste del archipiélagu de les Svalbard, n'agües del mar de Noruega, a unos 93 km de la islla Nordaustlandet, a 215 km de Spitsbergen y a 270 km de la islla del Osu. Tien una superficie de 47 km² y unos 33 km de llongura por 2 km d'anchu. El puntu más altu de la islla ye'l monte Iversenfjellet, con 370 m.^[2]

Historia

Anque l'archipiélagu de Svalbard foi afayáu nel branu de 1596 pol navegante holandés Willem Barents, nun se tien constancia de que columbrara esta islla. Probablemente nun foi afayada hasta 1613, en que'l balleneru inglés d'Hull, Thomas Marmaduke, saleando para la Muscovy Company col Matthew, un barcu de 250 tonelaes, vice-almirante de la flota ballenera inglesa, saleó peles sos agües.

El descubrimientu foi recoyíu nel Mapa de la Muscovy Company de 1625, nel qu'al llau de la islla figura l'anotación 1613. Marmaduke llamó a la islla Hopen n'honor del so antiguu barcu, el Hopewell.

Forma parte de la Reserva Natural de Svalbard dende 2003. Cuenta con una gran colonia d'aves y n'iviernos con condiciones normales de xelu, Hopen ye un importante llugar para la envernía del osu polar. Equí nun hai llagos nin ríos y toa l'agua potable llógrenla de fundir nieve o de l'agua de lluvia. Aprovechando el branu, la guardia costera noruega lleva dos vegaes, de normal en xunetu y setiembre, suministros y cebera. Per otru llau, Hopen ye fundamental para l'aterrizaxe, despegue y repostaxe d'helicópteros que faen equí la so escala n'operaciones de rescate.

Referencies

↑ Sólo tres de les islles de las Svalbard están poblaes: Spitsbergen, Bjørnøya y Hope]. Svalbard: General Archiváu 2006-12-05 en Wayback Machine, Institutu Polar Noruegu. Última actualización 27 de mayu de 2004. (URL accedido el 24 de xunetu de 2006).
↑ Mapa d'Islla Hopen

Enllaces esternos

[1] Sólo tres de les islles de las Svalbard están poblaes: Spitsbergen, Bjørnøya y Hope]. Svalbard: General Archiváu 2006-12-05 en Wayback Machine, Institutu Polar Noruegu. Última actualización 27 de mayu de 2004. (URL accedido el 24 de xunetu de 2006).

[2] Mapa d'Islla Hopen

[1]

[2]