Club Estudiantes de La Plata

Club Estudiantes de La Plata
Situación
Estáu	Arxentina
Datos
Nome oficial	Club Estudiantes de La Plata
Tipu	club deportivu
Fundáu en	4 agostu 1905
Presidente	Juan Sebastián Verón
Entrenador	Eduardo Domínguez
Categoría	Primer División d'Arxentina
Instalaciones
Estadiu	Estadio Jorge Luis Hirschi (es)
Uniforme
Titular	Alternativu
Patrocinador	DSports (es)
	; Web oficial

El Club Estudiantes de La Plata ye un club deportivu d'Arxentina, que s'alcuentra na ciudá de La Plata, capital de la provincia de Buenos Aires. Foi fundáu'l 4 d'agostu de 1905 y la so principal actividá ye'l fútbol. La institución cuenta con 38.000 socios y el so equipu de fútbol xuega nel campeonatu de Primer División d'Arxentina.

So mayor llogru foi en 1968, cuando acabó como Campeón del Mundu al derrotar al Manchester United d'Inglaterra na final de la Copa Intercontinental. Estudiantes ye unu de los seis equipos arxentinos que ganaron el máximu campeonatu de clubes de fútbol a nivel mundial. Tamién xugó les finales d'esa copa en 1969, 1970 y 2009, nesta última baxo'l nuevu formatu de Mundial de Clubes de la FIFA.

Entamó so actividá futbolística en 1906, al xunise a los torneos d'AFA, y ye l'únicu club de la ciudá de La Plata qu'algamó títulos oficiales nacionales ya internacionales, de caráuter regular, na yera profesional. Ganó cuatro campeonatos de Primer División del fútbol arxentín y, a nivel internacional, tamién en cuatro vegaes la Copa Libertadores d'América, polo que ye'l tercer conxuntu arxentín que más vegaes la ganó.

Amás de ser la institución que frayó la hexemonía de títulos de los nomaos cinco grandes en 1967, ganó la Copa Interamericana 1969; 2 copes nacionales non regulares, la Copa Escobar 1944 y la Copa de la República 1945; un tornéu nacional na yera amateur, en 1913; y la Copa Río de La Plata 1914. Tamién foi finalista de la Copa Suramericana 2008.

Estudiantes alcuéntrase ente los cinco equipos del fútbol arxentín con más presencies en Primer División (78 temporaes) y, en xunetu y agostu de 2009, alcontrábase nel 3ᵉʳ puestu na clasificación mundial de clubes de la IFFHS.

Col algame de la Copa Libertadores 2009, convirtióse nel cuartu equipu más premiáu del fútbol sudamericanu nesta competición.

Referencies

Enllaces esternos

Sitiu web oficial del club Archiváu 2015-01-19 en Wayback Machine