سيروتونين
| ||||
|---|---|---|---|---|
 جزيء السيروتونين تلاتى الابعاد
| ||||
  | ||||
 | ||||
| الصيغه | C₁₀H₁₂N₂O[1] | |||
| مواصفات الادخال النصى المبسط للجزيئات | C1=CC2=C(C=C1O)C(=CN2)CCN[1] | |||
| الكتله | ||||
| نقطه الانصهار | ||||
| نقطه الغليان | ||||
| ثابت تفكك الحمض | ||||
تعديل  |
||||
السيروتونين (5-هيدروكسى التريبتامين و اختصاره (5-HT) وبالانجليزى: Serotonin وهوا ناقل عصبى أحادى الأمين بيتصنع فى العصبونات السيروتونينيه فى الجهاز العصبى المركزى وفى الخلايا الكرومافينيه الداخليه فى الجهاز الهضمى.[2][3]
الوظايف
[تعديل]السيروتونين هوا واحد من الناقلات العصبيه وبيلعب دور مهم فى تنظيم مزاج الأنسان (عشان كده بيتسمى كمان بهرمون السعاده) والرغبه الجنسيه ولى دور كمان فى مرض الصداع النصفى (داء الشقيقه). وبيتسمى كمان 5-هيدروكسى تربتامين.
التعرف على الماده دى عمل ثوره فى علاج مرض الكآبه اتلاحظ أن معظم المصابين بمرض الكآبه عندهم نسبه اقل من المستوى الطبيعى للسيروتونين فى الدماغ فدا أدى أن العلما اخترعوا جيل جديد من الأدويه اللى بتقوم برفع مستوى مادة السيرتونين فى الدماغ. وبالرغم من أن فى جدل بخصوص أزاى ماده السيروتونين بتأثر على تنظيم مزاج الأنسان إلا أن فى اعتقادا شايع أن السيروتونين بيلعب دور مش ممكن يتجاهل فى الشعور بالطمانينه النفسيه.
كمان ماده السيروتونين ليها دور بالشعور بالغثيان اتلاحظ أنه لو اتقفلت مستقبلات ماده السيروتونين فده بيعمل تحسن فى الشعور بالغثيان وبالعكس, من دا تماما, لو اتحفزت مستقبلات ماده السيروتونين فإن ده بيؤدى إلى تخفيف فى حده مرض الصداع النصفى. ومن أشهر الأدويه ديه :
والأدويه دى بترفع من نسبه ماده السيروتونين ويتعتبر من أكتر الأدويه المستعمله فى الوقت الحاضر لعلاج الكآبه وتكمن فكرتها فى منع إعاده امتصاص السيروتونين وبالتالى زياده نسبته فى الجسم.
السيروتونين و الرياضه
[تعديل]الرياضه بتأثر هى, والحركه على مستوى هرمون السيروتونين فى الجسم وبنحس بده بعدما نمارسها , زى الجرى والسباحه وغيرها . وبيرجع شعورنا بالارتياح وقتها والاستجمام إلى أن الجسم بيتخلص من الإجهاد النفسى والعضلى وبيعمل على توازن مستويات الهرمونات فى الجسم , وبيزود من إفراز السيروتونين. فبنشعر بالراحه والهدوء, الإنسان يعرف إنه يقاوم إجهاد جديد. كل التأثيرات الإيجابيه اللى دى على الجسم بتخلى الرياضه والحركه من الأشياء المحببه لحياتنا بدون إجهاد أو إرهاق.
التشريح
[تعديل]مادة السيروتونين اتلاحظت لأول مرة فى الجهاز الهضمي للإنسان، اتلاحظ أن ليها دور فى تقلص الشرايين الدموية الصغيرة فى الجهاز الهضمي وفي الوقت الحالي بتعتبر الأدوية اللي بتمنع مادة السيروتونين من العودة إلى منطقة ماقبل تشابك خليتين عصبيتين وبالتالي بتزود نسبتها فى منطقة التشابك من الخطوط الدوائية الأولى فى علاج الكآبة.
مصادر السيروتونين الطبيعيه
[تعديل]
السيروتونين موجود فى بعض النباتات زي الجوز (عين الجمل) اللي بيحتوى على سيروتونين بنسبة 300 ميكروجرام/جرام. كمان موجود فى الأناناس و الموز و البرقوق و الطماطم و الكاكاو وفي كل ماينتج من الكاكاو مثل الشوكولاته، كل النباتات دي بتحتوي على نسبه من السيروتونين اكبر من 1 ميكروجرام/جرام .
نقص السيروتونين
[تعديل]نقص هرمون السيروتونين بيتسبب فى اثارة الاضطرابات النفسية كتيرة واعتلالات المزاج، زي الاكتئاب والقلق والاضطراب الوجداني ثنائي القطب، كمان بيساهم نقصه فى عدم التحكم بثورات الغضب، وبيساعد فى ظهور اضطرابات النوم والجهاز الهضمي، كمان بيثير النهم للكربوهيدرات وتبعات النهم دا ، بالاضافة ل آلام فى فى الراس، وآلام اللى قبل الدوره الشهريه.[4]
متلازمة السيروتونين
[تعديل]أحيانا بيحصل بعد علاج مرض الكآبة بالأدويه اللي بترفع من نسبة مادة السيروتونين اللي اسمه "متلازمة السيروتونين" ودا بيحصل لما يرتفع مستوى السيروتونين أكتر من الحد المطلوب بحيث بيشعر الفرد بارتباك وعدم القدرة على التركيز وابتهاج غير طبيعي وعدم القدرة على الهدوء والأستقرار ، وممكن تحصل حمى و قشعريرة وغثيان وارتفاع فى معدل نبضات القلب وضغط الدم والأرق.
اللي تم اكتشافه عن قريب عن هرمون السيروتونين ممكن يكون له أثر بالغ فى علاج المرضى بتلف الكبد سريريا، اتكشف أن للسيروتونين دور مهم فى اعادة تشكيل الخلايا الكبديه المصابه. كمان ممكن لمرضى الإدمان الكحولي الاستفادة من السيروتونين عشان صفايحهم الدموية للمدمنين عليه بتكون فقيره لهرمون السيروتونين ، وبالتالي هم معرضين للاصابه بتليف الكبد، ولكن العلاج بالسيروتونين ممكن له أن يوقف هري الكبد .
مصادر
[تعديل]- ↑ أ ب مُعرِّف مُركَّب في قاعدة البيانات الكيمياء العامة (PubChem CID): https://pubchem.ncbi.nlm.nih.gov/compound/5202 — تاريخ الاطلاع: 19 نوفمبر 2016 — العنوان : serotonin — الرخصة: محتوى حر
- ↑ Young, Simon N. (2007-11). "How to increase serotonin in the human brain without drugs". Journal of Psychiatry & Neuroscience : JPN. 32 (6): 394–399. ISSN 1180-4882. PMID 18043762.
{{cite journal}}: Check date values in:|date=(help); Unknown parameter|PMCID=ignored (|pmc=suggested) (help) - ↑ "Serotonin: Functions, Normal Range, Side Effects, and More". Healthline (in الإنجليزية). 2016-08-22. Retrieved 2021-11-23.
- ↑ "نقص السيروتونين يؤدي إلى اضطرابات فى النوم والجهاز الهضمي والمعوي". جريدة الغد (in العربية). 2011-07-25. Retrieved 2021-08-31.
صور و ملفات صوتيه من كومنز
