الصحرا لكبيرة
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
الصحرا لكبيرة هي صحرا لّي واخدة ميساحة كبيرة ف شمال إفريقيا، و هيّ من الصحاري لكبار فلعلام حيث لميساحة ديالها فايتة 9 د لمليون كيلومتر كاري، وهيّ التانية بعد لقارة لقطبية لجنوبية.
الصحرا لكبيرة واخدة الشمال من غير لاكوط ديال لبحر لبيض لمتوسط و جبال ديال لأطلس و واد النيل. كتبدا الصحرا لكبيرة من لبحر لحمر فالشرق و لبحر لبيض لمتوسط فالشمال حتال لمحيط لأطلسي فالغرب، فيها بزّاف ديال لمناظر و ممكن نقسموها لبزاف ديال سيكتورات: الصحرا لمغربية و جبال الهقار و جبال تيبستي و صحرا د تينيري و صحرا د ليبيا. على مدى 20 ألف عام تبدلات لمعاليم ديالها و دازت من بزّاف ديال لمراحيل (صحرا، ساڤانا، خضورية،...) بسباب لإنحيراف ديال محور الكرة لارضية ملي كدور على الشمس. [1]
كتقول التقديرات باللي الصحرا لوسطانية كاتجمع علاين خمسمية نوع ديال النباتات، وهادي نسبة قليلة بزاف بالنظر للمساحة الكبيرة ديال المنطقة. النباتات بحال شجر الأكاسيا و النخيل و النباتات العصارية و الشجيرات الشوكية و الأعشاب تكيفو مع الظروف الناشفة، بحيث كايكبرو شوية باش ما يضيعوش لما بسباب الرياح القوية، وكيخزنو لما فالسيقان ديالهم الغليظة باش يستعملوه ففترات الجفاف. وكيتميزو بالجذور الطويلة اللي كاتمشط أفقياً باش توصل لأكبر مساحة من لما و تلقا شي رطوبة سطحية، و تا الأوراق ولا ليباري الصغار الغلاظ باش يمنعو تبخر لما. و كيقدر النبات ينشف الوراق ديالو كاملة ومن بعد يقدر يرجع يتعافى.
كايعيشو بزاف ديال نواع ديال الثعالب فالصحرا، بحال الفنك، الثعلب الشاحب، و ثعلب روبل. و كاين حتى مها أبو عدس، اللي هو عتروس كبير باللون لبيض، اللي كايقدر يدوز علاين عام فالصحرا بلا ما يشرب، حيت كايعتقدو عندو بطانة خاصة فمعدتو اللي كاتخزن لما فشي كياس باش يستعملها ففترات الجفاف، و كايخرج بول مركز بزاف باش يحافظ على لما. و لغزال دوركاس اللي هو غزال شمال إفريقي كايقدر يبقى مدة طويلة بلا ما. و كاينين لغزلان لخرين بحال غزال ضعيف لـڭرون وغزال المهر.
 هادي زريعة ديال مقالة خاصها تّوسع. تقدر تشارك ف لكتبة ديالها. |