Okwaan̄ Anyiaan̄ ìre otu okwaan̄ [sea inlet] ere mun̄ okinan̄a me Emen-awaji India inin̄. Ìkup me etete Afirika mè Esia. Ere òtobo ọmọ mèlek emen-awaji ìkup me agan̄ osiki kan̄; ìraka me <strait> Bab el Mandeb mè Ọfọ Okwaan̄ Aden. Me agan̄ inyọn̄ kan̄, <Peninsula> Saina, Ọfọ Okwaan̄ Akaba mè Ọfọ Okwaan̄ Suwezi (òkilibi isi <canal> Suwezi) ekup. Me irak okwaan̄ yi ke <Red Sea Rift> okup, òrere okpọkọ me lek <Great Rift Valley>.

Okike ijọn̄ isi mun̄ Okwaan̄ Anyiaan̄ obenbe môso 438,000 km².^[1] Okwaan̄ ya ìre 2,250 km me ujọn̄o, me ere îwelebe ichit, uwele kan̄ ìre 355 km. <Average> udọk kan̄ ìre 490 m, me agan̄ <suakin trough>, udọk kan̄ òchichit ìre 3,040 m.^[2]

Okwaan̄ Anyiaan̄ si îkaan̄ <shallow shelf> òwewele enenen. Me ere cha si, owuwa anam mun̄ mè <corals> mîkup. Esese esese chieen̄ anam echi kpekaan̄ ukwuuk-udun̄ ìkukup me emen okwaan̄ ya mîwa iraka 1000, mèlek si <coral> 200, echi mmeen̄ mmeen̄ mè echi nchiaak nchiaak. Ọmọ ore okwaan̄ òfofo agan̄ inyọn̄ ichit me etete ebi kè okwaan̄ ìkup me agan̄ turọpik.

Okike

Ebi International Hydrographic Organisation (IHO) etumu ibe ke okike okwaan̄ ya ìre ikechi:^[3]

Me agan̄ Inyọn̄: Òta Ọfọ Okwaan̄ Suwezi me agan̄ osiki [òrere iman̄ òkilibi me Ràs Muyamet (27°43' N) isi Achọ Shadwan me agan̄ osiki (34°02' E) mè inan̄a me ere keya ilibi ifo agan̄ Ichep-ura ugban ugban (27°27' N) isi agan̄ agbawaji Afirika mè Akabà [Aqaba] òrere iman̄ òkilibi inan̄a me Ràs al Fasma ije me agan̄ osiki ichep-ura isi Achọ Rekin [Requin] (27°57' N, 34°36'E) iraka me Achọ Tiran ifo agan̄ osiki mbum-ura mè inilibi me agan̄ keya ugban ugban ifo agan̄ ichep-ura (27°57' N) isi atasuk <Peninsula> Saina.

Me agan̄ Osiki: Iman̄ ònyanyana itet Hsn Murad (12°40' N, 43°30' E) mè Ràs Siyan (12°29' N, 43°20' E).

Ido ìtatap ikana okwaan̄ yi ìre:
Me atasuk agan̄ mbum-ura: Sawudi Arebia mè Yemen.
Me atasuk agan̄ ichep-ura: Ijipiti, Sudan, Eritireya mè Dijibuti.

ogugo-ijọn̄

Nrọnnye

↑ "STATE OF THE MARINE ENVIRONMENT REPORT FOR THE RED SEA AND GULF OF ADEN: 2006" (PDF). 2008-06-16. Retrieved 25 January 2020.
↑ Robert Dinwiddie: Ocean_ The World's Last Wilderness Revealed. Dorling Kindersley, London 2008, p. 452
↑ Tempulet:Citation/core/sandbox

[1] "STATE OF THE MARINE ENVIRONMENT REPORT FOR THE RED SEA AND GULF OF ADEN: 2006" (PDF). 2008-06-16. Retrieved 25 January 2020.

[2] Robert Dinwiddie: Ocean_ The World's Last Wilderness Revealed. Dorling Kindersley, London 2008, p. 452

[3] Tempulet:Citation/core/sandbox

[1]

[2]

[3]