The Big Red One

The Big Red One
Títol	The Big Red One
Póster d'a cinta.
Ficha tecnica
Dirección	Samuel Fuller
Aduyant de dirección	Arne Schmidt
Dirección artistica	Peter Jamison
Producción	Gene Corman
Guión orichinal	Samuel Fuller
Musica	Dana Kaproff
Fotografía	Adam Greenberg
Montache	Morton Tubor
Maquillache	Blanche Shuler
Peluquería	Blanche Shuler
Efectos especials	Jeff Clifford Peter Dawson Kit West
Casting	Barbara Miller
Actors	Lee Marvin Mark Hamill Robert Carradine Bobby Di Cicco Kelly Ward Siegfried Rauch Marthe Villalonga Stéphane Audran Perry Lang Matteo Zoffoli
Color	Metrocolor Technicolor
Datos y cifras
País(es)	Estaus Unius
Anyo	1980
Debantadera	16 de mayo de 1980 Festival Internacional de Cine de Canas (Canas, Alpes Maritimos, Francia) 18 de chulio de 1980 Estaus Unius
Chenero(s)	Cine belico Cine epico Cine de drama
Durada	113 min.
Idioma(s)	Anglés Francés Italiano Alemán
Companyías
Productora(s)	Lorimar Productions Lorac Productions
Distribución	United Artists ITC Entertainment
Presupuesto	4 millons de dólars
Recauto	7,2 millons de dólars
Informacions en bases de datos especializadas:

The Big Red One (títol orichinal en anglés, en aragonés A gran roya uno u A Big Red One, embotada d'a 1^era División d'Infantería de l'exercito estausunidense, enguerada en Aragón con o títol en castellano de Uno Rojo, división de choque, en aragonés Uno Royo, división de choque) ye una cinta enguerada l'anyo 1980 de cine estausunidense de cine de drama epico belico dirichida por Samuel Fuller seguntes un guión orichinal d'él mesmo, con una banda sonora orichinal de Dana Kaproff, una dirección de fotografía d'Adam Greenberg, una producción cinematografica de Gene Corman ta las productoras Lorimar Productions y Lorac Productions y que conta con un elenco d'actors formau por Lee Marvin, Mark Hamill, Robert Carradine, Bobby Di Cicco, Kelly Ward, Siegfried Rauch, Marthe Villalonga, Stéphane Audran, Perry Lang y Matteo Zoffoli, en os suyos papels prencipals.

En noviembre de 1918, en o zaguer dia d'a Primera Guerra Mundial, un soldau d'o exercito estausunidense mata con o suyo cutiello de trinchera a un soldau de l'exercito alemán que se rendiba en creyer que se tracta d'un truco, sin saber que la guerra heba finalizau cuatre horas antis. En noviembre de 1942 ese mesmo soldau, que agoya ye un sarchento, diriche a los suyos soldaus en o suyo desmebarco en Africa d'o Norte con a Operación Tocrh y en o primer combat contra las tropas de l'exercito francés d'a Francia de Vichèi, que bien luego dixan de combatir y s'unen a los Aliaus. Cn ixos mesmos soldaus abanza enta Tunicia, desembarca en Sicilia con a Operación Husky y dimpués marchan enta lo Reino Uniu ta desembarcar en Francia en a placha d'Omaha mientres a Operación Overlord. Con éls trescruza Francia dica plegar en a muga con o Tercer Reich dica plegar en l'antigo campo de batalla d'a Primera Guerra Mundial a on mató a l'alemán. Simultaniament, Schroeder ye l'homologo d'o sarchento en a Wehrmacht, y ha parau una trampa exactament en ixe mesmo antigo campo de batalla contra los estausunidenses, que onsiguen evitar-la y matar a los alemans, menos a Schroeder. Bien luego plega en ixe mesmo lugar un matrimonio con o mariu mortalment feriu y con a muller bien amán d'alumbrar, y Schroeder aproveita ta fuyir. Los estausunidenses trezcruzan Alemanya dica plegar en Checoslovaquia, a on troban un campo de concentración nazi y a on o sarchento ha d'apedecar a un nino victima d'os nazis. Cuan dimpués veye a Schroeder torna a creyer que li ye parando una trampa cuan li charra d'a fin d'a guerra.

A cinta s'ambienta en dos momentos historicos diferents: en 1918 en Francia mientres a Primera Guerra Mundial y en 1942, 1943, 1944 y 1945 mientres a Segunda Guerra Mundial en Alcheria, Tunicia, Sicilia y atros puestos d'Italia, Normandía y atros puestos de Francia, Alemanya y la Republica Checa. Las suyas escenas se filmoron en Trim y atras localizacions en o condau d'An Mhí y Cill Dara en Irlanda, en localizacions de California en os Estaus Unius y en Cesarea, Ashkelon, Tel Aviv, Ashdod, Haifa, Jaffa y Cherusalem en Israel.

Se tracta d'una cinta que ha recibiu bel premio y bella nominación, encara que garra d'éls perteneixe a los premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1980.
• Cintas de 1980.

Referencias

• Datos: Q303136