Mach

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O numero de Mach u simplament Mach ye una cantidat adimensional en dinamica de fluidos que representa a relación entre a velocidat d'o fluxo dillá d'una buega y a velocidat local d'o sonito.^[1]

$\mathrm {M} ={\frac {u}{c}},$

án:

M ye o numero de Mach local,
u ye a velocidat d'o fluxo local respective a as buegas (ya sía interno, como que un obchecto capuzau en o fluxo, u externo, como que una canal), y
c ye a velocidat d'o sonito en o meyo, que en l'aire vareya con a radiz cuadrada d'a temperatura termodinamica.

Por definición, en Mach 1, a velocidat de fluxo local u ye igual a la velocidat d'o sonito. A Mach 0,65, u ye o 65% d'a velocidat d'o son (subsonico) y, a Mach 1,35, u ye un 35% mas rapido que a velocidat d'o son (supersonico). Os pilotos de vehíclos aeroespacials de gran altitut utilizan o numero de Mach de vuelo pa expresar a velocidat aeria real d'un vehíclo, pero o campo de fluxo arredol d'un vehíclo vareya en tres dimensions, con as correspondients variacions en o numero de Mach local.

A velocidat local d'o sonito y, por tanto, o numero de Mach, depende d'a temperatura d'o gas circumdant.

O numero Mach prene o suyo nombre d'o fisico y filosofo austriaco Ernst Mach, y ye una designación proposada por l'incheniero aeronautico Jakob Ackeret en 1929.^[2]

Clasificación d'o vuelo seguntes o numero Mach

Subsonico (M < 0,7)
Transonico (0,7 < M < 1,2)
Supersonico (1,2 < M < 5)
Hipersonico (M > 5).

Se veiga tamién

Referencias

↑ (en) Young, Donald F.; Bruce R. Munson; Theodore H. Okiishi; Wade W. Huebsch (2010). A Brief Introduction to Fluid Mechanics (5 ed.). John Wiley & Sons. p. 95. ISBN 978-0-470-59679-1.
↑ (de) Jakob Ackeret: Der Luftwiderstand bei sehr großen Geschwindigkeiten. Schweizerische Bauzeitung 94 (Oktober 1929), pp. 179–183.

Datos: Q160669
Multimedia: Mach number / Q160669

[1] (en) Young, Donald F.; Bruce R. Munson; Theodore H. Okiishi; Wade W. Huebsch (2010). A Brief Introduction to Fluid Mechanics (5 ed.). John Wiley & Sons. p. 95. ISBN 978-0-470-59679-1.

[2] (de) Jakob Ackeret: Der Luftwiderstand bei sehr großen Geschwindigkeiten. Schweizerische Bauzeitung 94 (Oktober 1929), pp. 179–183.

[1]

[2]