Islas Feroe

	Islas Feroe; Føroyar; Færøerne
	Rechión autonoma de Dinamarca
Bandera	Escudo
	Lema: Nunca a Patría no será a Muerte
	Himno: Tú alfagra land mítt
Entidat; • País; • Estato	Rechión autonoma; Dinamarca; Dinamarca
Capital	Tórshavn
Ciudat mas poblada	Tórshavn
Idioma oficial	feroés y danés
Establimiento; -Establita	; 1948
Superficie; • Total; • Augua; • Mugas	Pos. 183; 1 399.0 km² ; 0.5%; 0 km
Gubierno; • Rey; • Alto Comisionato; • Primer ministro	Monarquía; Frederico X de Dinamarca; Dan M. Knudsen; Aksel V. Johannesen
Población; • Total (1960); • Densidat	; 34 266 hab. ; 35 hab/km²
Zona horaria	UTC
'Identificadors; • Internet; • '	; .fo; Codigo ISO
Prefixo telefonico	+298
Moneda	Corona feroesa
	;
	Miembro de: Dinamarca, FAO, Consello Nordico (asociato).

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As islas Feroe (Føroyar, literalment "islas de corders" en feroés, Færøerne en danés) son un grupo d'islas de l'Atlantico Norte situatas a meyo camín d'as costas d'Islandia, Escocia y Noruega. Perteneixen a o reino Dinamarca, d'o que recibioron autonomía en 1948.

Cheografía fisica

L'archipielago feroés consta de 18 islas d'orichen volcanico, d'as cuals 17 son habitadas. O suyo territorio ye predominantment montanyoso, con cinglas que sirven d'habitat a mils d'aus marinas. Ye dominau per praus y manca de selvas. O puesto mas alto ye a tuca Slættaratindur, a 882 m sobre o livel d'a mar, en Eysturoy.

Clima

Lo clima ye fredo, encara que moderau per a corrient d'o Golfo si se considera a suya latitut. Asinas, en Tórshavn no s'observan meyas mensuals negativas, oscilando entre os 0,3 °C de chinero y os 11,1 °C d'agosto, con una meya anyal de 6,7 °C. A amplitut termica ye pus muit reducida, con veranos suaus y hibiernos fredos. Con respective a las precipitacions, s'arriman a los 1400 mm a l'anyo, con un minimo relativo en primavera-verano. Lo ciel ye en cheneral nublo, con presencia habitual de boira, en ocasions muit densa. L'aire cerenyo ye tamién frecuent.

Historia

L'archipielago estió colonizau en o sieglo X per emigrants nordicos, encara que se tienen endicios d'asentamientos previos de población d'orichen celta. Formó parti d'a corona noruega y a partir d'o sieglo XVI o territorio estió gubernau dende Copenaguen.

Dende 1948, as Islas Feroe tienen un primer ministro y un parlamento propios y ninvian dos representants a lo parlamento danés.

Organización politico-administrativa

As Islas Feroe son partidas en 29 municipios y seis rechions clamadas sýsla (sýslur en plural).

Rechion (sýsla)	Capital	Población	Area en km²	Habitants/km²
1. Eysturoy	Fuglafjørður	11 000	286	38,46
2. Sandoy	Sandur	1 500	125	12,00
3. Streymoy	Tórshavn	22 500	392	57,39
4. Suðuroy	Tvøroyri	5 000	167	29,94
5. Norðoyar	Klaksvík	6 000	241	24,89
6. Vágar	Miðvágur	3 000	188	15,95
Total	Tórshavn	48 500	1 396	34,64

Economia

I hai suficients recursos hidricos, pero en cheneral o solero ye pobre y os recursos naturals radius. A economía depende mas que mas d'a pesca y a suya industria derivada. Manimenos, a sociedat feroesa conta con un estau de buenestar y un indiz de desembolique pro elevau.

Cheografía humana y sociedat

Etnografía

D'arredol de 52.000 habitants que tienen as islas, un 89,9 % de son orichinarios d'as islas, un 8,1 % son ciudadans naixius en atras posesions d'a corona danesa (Dinamarca, Groenlandia). D'entre os estranchers, que en 2003 provenían de 77 estaus diferents, os mas abundants son os islandeses (0,4 %) seguius d'os noruegos y os poloneses (0,2 % toz dos).

Estudios cheneticos han determinau que o 80 % d'a población masculina poseye chens escandinavos (noruegos) y l'atro 20 % britanicos.^[2] En o caso d'as mullers os datos s'invierten, estando o 90 % d'ascendencia celta y o 10 % d'ascendencia vikinga.

Luenga

O feroés (Føroyskt) ye una luenga chermanica que ye charrau per unas 48 000 personas en as islas Feroe y per unas 12 000 en Dinamarca. Ye una d'as dos luengas norrenas insulars (l'atra ye l'idioma islandés). Tienen o suyo orichen en l'antigo norreno que se charraba en a peninsula escandinava mientres o tiempo d'os vikingos. Encara que a forma escrita tien muitas similituz con l'islandés, a pronuncia as diferencia significativament. Os fabladors d'a luenga feroesa tienen facilidat pa entender y sobre tot pa leyer l'islandés sin necesidat d'estudiar-lo.

Gastronomía

A gastronomía tradicional se basa en a carne de cordero y o peix. Belunas birollas populars son o skerpikjøt (carne ixugada a l'aire mientres mas d'un anyo), o garnatálg (un embuchau d'asaduras) u lo seyðahøvd (cabezas d'uella), pero tamién s'elaboran atros productos con carne, menudencias y graixa d' uella, como per eixemplo salchichas, morciellas y sopa.

Referencias

↑ Paritaria con a corona danesa
↑ (en) The origin of the isolated population of the Faroe Islands investigated using Y chromosomal markers, Tove H. Jorgensen, Henriette N. Buttenschön, August G. Wang, Thomas D. Als, Anders D. Børglum and Henrik Ewald1, 8 April 2004.

Vinclos externos

Pachina web d'o turismo d'as Islas Feroes.

Estaus d'Europa

Abkhasia³ | Albania | Alemanya | Andorra | Armenia² | Austria | Azerbaichán¹ | Belarrusia | Belchica | Bosnia y Herzegovina | Bulgaria | Cazaquistán¹ | Croacia | Cheorchia¹ | Chipre² | Chipre d'o Norte^{2, 3} | Chequia | Dinamarca | Eslovaquia | Eslovenia | Espanya¹ | Estonia | Finlandia | Francia¹ | Grecia | Hongría | Islandia | Irlanda | Italia¹ | Kosovo³ | Letonia | Liechtenstein | Lituania | Luxemburgo | Macedonya d'o Norte | Malta | Moldavia | Mónegue | Montenegro | Noruega | Osetia d'o Sud³ | Países Baixos | Polonia | Portugal | Reino Uniu | Rumanía | Rusia¹ | San Marino | Serbia | Suecia | Suiza | Transnistria³ | Turquía¹ | Ucraína | Vaticano

¹ Parti d'o suyo territorio ye difuera d'Europa. ² Se troba en Asia, pero tien relacions historico-culturals con Europa. ³ Parcialment reconoixiu. ⁴ No reconoixito

Datos: Q4628
Multimedia: Faroe Islands / Q4628

[1] Paritaria con a corona danesa

[2] (en) The origin of the isolated population of the Faroe Islands investigated using Y chromosomal markers, Tove H. Jorgensen, Henriette N. Buttenschön, August G. Wang, Thomas D. Als, Anders D. Børglum and Henrik Ewald1, 8 April 2004.

[1]

[2]