iBet uBet web content aggregator. Adding the entire web to your favor.
iBet uBet web content aggregator. Adding the entire web to your favor.



Link to original content: https://an.wikipedia.org/wiki/Bronquitis
Bronquitis - Biquipedia, a enciclopedia libre Ir al contenido

Bronquitis

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Bronquitis.

A bronquitis ye la inflamación d'os bronquios (vías respiratorias grans y meyanas) en os polmons que causa tos. A bronquitis per un regular prencipia como una infección en o naso, os oídos, o garganchón u los sinos paranasals. Dimpués, la infección baixa dica los bronquios.[1] Os simptomas incluyen tos con esputo, sibilancias, dificultat pa alentar y dolor en o peito. A bronquitis puede estar aguda u cronica.

A bronquitis aguda cheneralment tien una tos que dura arredol de tres semanas.[2] En mas d'o 90 % d'os casos, a causa ye una infección viral. Istos virus pueden espardir-se per l'aire cuan as personas tusen u per contacto directo. Una chicota cantidat de casos son causaus per una infección bacteriana como Mycoplasma pneumoniae u Bordetella pertussis. Os factors de risgo incluyen a exposición a lo fumo d'o tabaco, o polvo y atros contaminants de l'aire. O tractamiento d'a bronquitis aguda per un regular implica reposo, paracetamol (acetaminofén) y medecinas antiinflamatorias no esteroideas pa aduyar con a calentura.[3]

A bronquitis cronica se define como una tos, que produz esputo, que dura tres meses u mas per anyo mientres a lo menos dos anyos.[4] Muitas personas con bronquitis cronica tamién tienen malotía polmonar obstructiva cronica (EPOC). Fumar tabaco ye la causa mas común, y atros factors, como la contaminación de l'aire y la chenetica, desempenyan un paper menor. Os tractamientos incluyen deixar de fumar, vacunas, rehabilitación y, a ormino, broncodilatadors y esteroides inhalaus. Cualques personas pueden beneficiar-se de l'oxichenoterapia a luengo plazo.[5]

A bronquitis aguda ye una d'as malotías mas comunas. Alto u baixo d'o 5 % d'os adultos y lo 6 % d'os ninos tienen a lo menos un episodio a l'anyo.[6] A bronquitis aguda ye lo tipo mas común de bronquitis.

Referencias

[editar | modificar o codigo]
  1. ↑ (en) Geer, Joep van de; Visser, Anja; Zock, Hetty; Leget, Carlo; Prins, Jelle; Vissers, Kris (2017-11-22). "Improving Spiritual Care in Hospitals in the Netherlands: What Do Health Care Chaplains Involved in an Action-Research Study Report?". Journal of Health Care Chaplaincy. 24 (4): 151–173. doi:10.1080/08854726.2017.1393039. ISSN 0885-4726.
  2. ↑ (en) Kin2016, S (1 October 2016). "Acute Bronchitis". American Family Physician. 94 (7): 560–565.
  3. ↑ (en) Tackett, KL; Atkins, A (December 2012). "Evidence-based acute bronchitis therapy". Journal of Pharmacy Practice. 25 (6): 586–90.
  4. ↑ (en) Global Initiative for Chronic Obstructive Lung Disease - GOLD. 2018. pp. 4–5, 25.
  5. ↑ (en) Rabe KF, Hurd S, Anzueto A, Barnes PJ, Buist SA, Calverley P, Fukuchi Y, Jenkins C, Rodriguez-Roisin R, van Weel C, Zielinski J (September 2007). "Global strategy for the diagnosis, management, and prevention of chronic obstructive pulmonary disease: GOLD executive summary". Am. J. Respir. Crit. Care Med. 176 (6): 532–55.
  6. ↑ (en) Wenzel, RP; Fowler AA, 3rd (16 November 2006). "Clinical practice. Acute bronchitis". The New England Journal of Medicine. 355 (20): 2125–30.
Obteniu de "https://an.wikipedia.org/w/index.php?title=Bronquitis&oldid=2182514"