William Jefferson Clinton

比爾·柯林頓, 1993

Ci Wiliyem Cyefoson Kelinton(威廉·傑佛遜·柯林頓) (Ikiris a sowal：Willian Jefferson Clinton), Itini i 1946 a mihecaan, saka falo a folad, saka safaw falo a romi’ad ko kahofocan ningra. manga’ay a panganganen to Piel Kelinton (Ikiris a sowal：Bill Clinton), O fing-kosi(pinkosi) ato sipikowan to sici no Amilika cingra, mararid cingra a malasakowan no tapang no Arkansas a kanatal, nai 1979 a mihecaan tangasa to1981 a mihecaan, nani 1983 a mihecaan tangasa to 1992 a mihecaan, malatapang sawaraan no Amilika, o saka sepat polo’ ira ko tosa a rayray, nai 1993 tangasa to 2001 a mihecaan. Itini i 1975 a mihecaan, mararamod aci Hillary Kelinton, cecay ko wawa nangra to fafahiyan, ci Chelsea ko ngangan ningra. O tadakapah ho ci Kelinton, o safa ho ni Theodore Roosevelt Jr. aci John F. Kennedy, kaemang ho malatapang to cingra.

kahofocan 出生

克林頓的出生地位於阿肯色州霍普市

I 1946 a mihecaan saka falo a folad safaw siwa a romi’ad ko kahofocan ni Bill Kelinton, i pipaisingan a hofocen cingra, so^linay a ngangan i ci William Jefferson Blythe III, o mipacakayay ko mama ningra, i ’ayaw no kahofoc to saka tolo a folad i, masongtol no paliding a mapatay ko mama ningra. hofoc han ho ci Bill Kelinton i, sacecay sa ko ina ningra a midipot a mipalatamdaw cingraan, mafana’ a minanam to samaanen a midipot sanay a tayal, hiday han no ina ningra a papidipot to akong aci amaan, o mipacakayay to maamaan cangra, itiya ho, adihayay ko mali'angay to caay ka lecad ko fanges a tamdaw, oya akong aci ama: ni Bill Kelinton i, makakanga’ay to roma a finacadan, damsay ko pinangan nangra. I 1950 a mihecaan, misawad to ko ina ni Bill Kelinton naipitilidan no kangkofo i, caay ka halafing, mararamod to aci Roger Clinton, o ina aci Roger Clinton to ko midipotay ci Bill Kelinton, safaw lima to ko mihecaan ningra i, mafalic to ko ngangan, o tadangangan ningra to ci Kelinton hananay. O kato’as ni Bill Kelinton, caay ka fangcal, o mali’angay ko padek a mama ningra, ano komaen to 'epah a malasang ko mama ningra i, miseti’ay milokesay to ina ningra, masafaya’ no padek a mama ca Bill Kelinton a malakaka, safa ni Bill Kelinton ci Roger Clinton Jr. awaay ko karariting nangra a tatosa, caay kalecad ko mama nangra.

palatamdaw 教育

Itini i Wonsing hananay a tokay, iraay ko Sen-ye-han Tinsokiw a kwo-syaw, Lan-po kwo-syaw ato takaraway a pitilidan, itini ci Bill Kelinton a mitilid, O cifenekay, ci tanengay mafana’ cingra a mikerid to kapot, maolah cingra to kakeng ano eca, o radiw. Mikapot cingra to yofayof no pitilidan, mafana’ cingra a miiyof to sa-ke-se-fong hananay a lalosidan, o saidahiay no kanatal no kakeng cingra, ciharateng cingra, manga’ay kako a malatapang nonini a yofayof saan cingra, nikaorira patiri saan cingra to niyah a tireng, sowal sa:

Ya safaw enem ho ko mihecaan no mako i, ciharateng kako a mamikapot to ho-ko-ing a ’orip.

Maolah kako to kakeng, fangcal ko pinangan no mako, nika, mafana’ kako, caay ka lecad ci John William Coltrane anca ci Stanley Getz,a tahada’oc.

Cifaloco’ kako a malaising, manga’ay kako a malasafangcalay a ising, nika, mafana’ kako, caay ka lecad ci Michael Debakey kako a tahada’oc.

Nikaorira, mafana’ kako, manga’ay kako a midama mikapot matayal to saki’alomanay a finacadan no mako.

Itiya to 1963 a mihecaan, safaw pito ho ko mihecaan ni Bill Kelinton, iraay ko tosa tata'akay tadamaanay a demak, cifaloco’ to cingra a mikapot to mamatayal to demak no finawlan. Saka cecay i, makaka’araway to tapang ci  Johh F.Kennedy, O tay-pyaw no kapah cingra a mami’araw to loma’ no tapang.

Saka tosa a demak, o pakatengil ningra to kimad ni Martin Luther King Jr. ira sa ko paratoh ko kimad no mira to ”iraay ko lemed no mako”. Ona tosa a demak, cifaloco’ to cingra a mamidemak to demak no finawlan. Pakalayap to ci Bill Kelinton to takaraway a saway no picodadan i 1968 a mihecaan, itini ho i pitilidan, malamatayalay ni hon-ko-ing ci James William Fulbright, mafanafa’ a midemak mipadang to tapang ningra.

I 1969 saka moetep a folad mikapot to sapipalasawad to a mala’ada, itiya to a mihedot to mowa, nikaorira, caay ka pihedot kako sanay ko sowal ningra.

Marepon to ko pitilid i ta’akayay a pitilidan i, micomod to i Yale Law a pitilidan a minanam to tadamaanay a tatiliden, 1973 a mihecaan pakalayap to cingra to sarikec to Pwo-se no saway to picodad.

raramod 配偶

Itini ho i Yale Law a pitilidan, mangangohah ato ci Hillary Diane Rodham, caay ka halafin mataloma mararamod cangra toya 1975 a mihecaan, cecayay to fafahiyan a wawa nangra, ci Chelsea Victoria Clinton ko ngangan no wawa nangra, itini i 1980 a mihecaan a hofocen.

O 'orip to pakainiay i sici 政治生涯

新當選的阿肯色州州長比爾克林頓會見總統吉米卡特, 1978

Itini to i A-ken-se tata'akay a pitilidan, pasifana’ ci Bill Kelinton to no rikec a rayray i, 1976 a mihecaan malatapang no A-ken-se no kitakit, o kapolongan no kicacan hananay cingra, i 1978 a mihecaan malatapang tono A-ken-se cingra, itiya yo kaemang ho o kapah ho cingra, tolo polo’ ira ko tosa ko mihecaan ni Bill Kelinton itiya.

Sa'ayaw ningra a malatapang no A-ken-se i, matikeda ningra ko adihayay a demak, misetek to koesitay caay ka filo ningra a kayki, nikaorira, cifaloco’ cingra to nika aka ka i A-ken-se a mipatireng to nan-ming-ing hananay, caay ka kahi kaya Cong-tong ci Jimmy Carter, sanaw 'aloman ko tamdaw caay kaolah to min-cu-tang. Oya to fafahi ni Bill Clinton i, misaharaterateng, ano caay paketingen ningra ko ngangan no fa'inay ningra ci Kelinton, ’alomanay ko mapili'ay cingraan, o tada malokesay to a fafahiyan a han nangra a mapo'i ci Hillary Diane Rodhaman.