Moderator

Dä Artikel isch über e Moderator, wo Gsprööch oder Radio- und Färnseesändige läitet. Für anderi Bedütige vom Begriff lueg doo.

E Moderaator, wiiblig Moderatoorin (vo latiinische Wort moderator mit dr Bedütig ‚Määssiger‘, ‚Länker‘, ‚Handhaaber‘, ‚Regierer‘; abgläitet vom Wärb moderare, dytsch määssige, in Schranke halte, reegle), isch e Persoon, wo e Gsprööch länkt oder in ere Kommunikazioon vermiddlet. Däm, won er macht, säit mä Moderazioon.

Si Rolle

Dr Liddratuurkritiker Denis Scheck mit eme Buech vo dr Margriet de Moor (Leipziger Buechmäss 2011)

Dr Gsprööchsmoderaator understützt d Däilnäämer in ere Gsprööchsrundi oder an eme Podiumsgsprääch. Mäistens begrüesst er d Zuehöörer, erklärt s Thema vom Gsprööch, wie s goot und stellt vilmol d Däilnäämer vor. Er länkt dr Umgang mit em Thema, förderet dr Dialoog, und macht am Ändi e Zämmefassig.

Bi vile Formatradio si d Moderatooren au zueständig für d Wätterbricht und d Vercheerslaag. Mänggisch beschränkt sich iiri Rolle uf s Aasääge vo Muusigdiddel und Wäerbig für en äigene Sänder. Daas bassiert mee und mee, vor allem wääred de Nachtstunde und isch vilmol automatisiert über Kompiuterbrogramm.

Kwelle

Dr Ardikel «Moderator» uf dr dütsche Wikipedia

Liddratuur

• Gernot Graeßner, Tilo Werner: Moderation. In: Gert Ueding (Uusegääber): Historisches Wörterbuch der Rhetorik. WBG, Darmstadt 1992ff., Band 10, 2011, Sp. 724–732.
• Josef W. Seifert: Moderation. In: Auhagen, Bierhoff (Uusegääber): Angewandte Sozialpsychologie. 1. Uflaag, 2003, ISBN 3-621-27522-3.

Weblingg

 Commons: Moderator – Sammlig vo Multimediadateie

• Literatur vu un iber Moderator im Katalog vu dr Dütsche Nazionalbibliothek