Chilperich II.
| Chilperich II. | |
|---|---|
| König vo Neustrie und de Burgunder König vo de Franke | |
_-_Chilp%C3%A9ric_II_roy_de_France_(670-721).jpg) Fantasiibild vom Chilerich II. (Jean Dassier 1676-1763) | |
| Regierigsziit | 1. König vo Neustrie und de Burgunder 715/716 bis 719 2. König vo de Franke 719 bis 721 |
| Uf d Wält cho | öbbe 670 |
| Gstorbe | zwüschen em 30. Januar und em 13. Mai 721 |
| Dodesort | Noyon |
| Begrabe | Noyon |
| Vorgänger | 1. As König vo Neustrie und de Burgunder: Dagobert III. 2. As König vo de Franke: Chlothar IV. |
| Dronfolg | Vom Huusmeier Karl Martell iigsetzt as König vo de Franke |
| Nochfolger | Theuderich IV. |
Dr Chilperich II. (* öbbe 670; † zwüschen em 30. Januar und em 13. Mai 721 z Noyon) isch vo 715/716 bis 721 König vo de Franke gsi. Er ghört zum Huus vo de Merowinger und isch e Sohn vom König Childerich II., wo 675 ermordet worden isch, und dr Bilchilde, ere Dochter vom König Sigibert III.
Läbe
[ändere | Quälltäxt bearbeite]Dr Chilperich isch no jung gsi, won er noch em Mord an siine Eltere in e Chloster verbannt worden isch. Dört het er vierzig Johr as „Brueder Daniel“ gläbt, bis er 715 vo de Gegner vom Karl Martell und dr Plektrudis vo Austrasie, dr Witwe vom Huusmeier Pippin II., as König vo Neustrie ufgstellt worden isch. 716 isch er zum König vo Neustrie, em Härzland vom Frankeriich, erhobe worde as Nochfolger vom Dagobert III. D Pfalz vo Compiègne isch si Residänz gsi, si Huusmeier, dr Ragenfrid het en aber e grosse Deil vo dr Ziit uf eme zeremonielle Ochsecharre uf sine Züg mit sich gfüehrt.
D Zweckbündnis vom Chilperich, oder ehnder vom Ragenfrid mit em Frieseherzog Radbod im Johr 717 und em Eudo vo Aquitanie im Johr druf (718) gege die starki Opposition vo de Karolinger, d. h. gegen e Karl Martell, hai nüt gnützt, und dr Karl het d Neustrier bi Amblève, Vinchy (717) und Soissons (718) gschlage.
Wo im Karl Martell si Marionettekönig, dr Chlothar IV., 719 gstorben isch, het dr Karl dr Chilperich II. vom Eudo usgliiferet übercho, het en als König anerkennt und si Iifluss z Neustrie isch wider hergstellt worde.
Dr Chilperich II. isch im Johr 721 gstorbe und z Noyon begrabe worde. Dr Karl Martell het dr Theuderich IV. as däm si Nochfolger iigsetzt.
Dr Chilperich het e Sohn gha, dr Childerich III.
Literatur
[ändere | Quälltäxt bearbeite]- Eugen Ewig: Die Merowinger und das Frankenreich. 4. Auflage, Kohlhammer, Stuttgart u. a. 1993 ISBN 3-17-017044-9
- Pierre Riché: Die Karolinger. Eine Familie formt Europa. Albatros, Düsseldorf 2003 ISBN 3-491-96096-7
- Rudolf Schieffer: Die Karolinger. Kohlhammer, Stuttgart u. a. 1992 ISBN 3-17-016480-5
- Reinhard Schneider: Königswahl und Königserhebung im Frühmittelalter. Hiersemann, Stuttgart 1972 ISBN 3-7772-7203-5
| Vorgänger Dagobert III. |
König vo Neustrie und de Burgunder 715 - 719 |
Nochfolger Theuderich IV. |
| Vorgänger Chlothar IV. |
König vo de Franke 719 - 721 |
Nochfolger Theuderich IV. |
|
Dä Artikel basiert uff ere fräie Übersetzig vum Artikel „Chilperich_II.“ vu de dütsche Wikipedia. E Liste vu de Autore un Versione isch do z finde. |