Trakai
|
Trakai | |
|---|---|
| Kaart | Wapen |
 | |
_CoA.svg) | |
| 2 Litai-banknoot | |
 | |
| Land |  Litaue
|
| Administratiewe distrik | Vilnius |
| Distriksmunisipaliteit | Trakai |
| Koördinate | 54°38′N 24°56′O / 54.633°N 24.933°O |
| Stigting (eerste verwysing) | 1337 |
| Stadstatus | 1409 |
| Oppervlakte: | |
| - Totaal | 11,5 vk km |
| Hoogte bo seevlak | 155 m |
| Bevolking: | |
| - Totaal (2018) | 4 298 |
| - Bevolkingsdigtheid | 374/vk km |
| Tydsone | EET (UTC +2) |
| - Somertyd | EEST (UTC +3) |
| Klimaat | |
| - Tipe | Kontinentaal-gematig |
| - Gemiddelde jaarlikse temperatuur | - |
| - Gem. temp. Januarie/Julie | - |
| - Gemiddelde jaarlikse neerslae | - |
| Burgemeester | - |
| Amptelike Webwerf | www.trakai.lt/ |
Trakai, 'n stad met 'n oppervlakte van 11,5 vierkante kilometer en 'n bevolking van 4 298 (2018), is een van die gewildste toeriste-aantreklikhede in Litaue. Die stad is 28 kilometer suidwes van die hoofstad Vilnius geleë en word gekenmerk deur sy ligging op 'n heuwelagtige skiereiland tussen die Tatare-meer (Litaus: Totoriškių ežeras) in die weste en die Bernhardinai-meer in die ooste, waaraan die Galvė-meer in die noorde aansluit. Trakai is sedert 1950 die administratiewe sentrum van die gelyknamige distriksmunisipaliteit.
Die Gotiese waterkasteel van Trakai in die Galvė-meer, wat van rooi bakstene gebou is, is die enigste van sy soort in Oos-Europa. Die kasteel verwys na die beduidende rol wat Trakai as hoofkwartier van die Litause grootvorste en as tweede hoofstad van Litaue (ná Kernavė) in die Middeleeue gespeel het, onder meer as vesting gedurende die oorloë teen die ridders van die Duitse Orde. Dit is nooit ingeneem nie.
Die gelyknamige nedersetting Trakai het sy Middeleeuse straatrooster, wat van die 14de en 15de eeu dateer, bewaar. Die stad self het sy oorsprong in 'n aantal kleiner nedersettings wat in die vroeë 12de eeu langs versterkings ontstaan het, byvoorbeeld Ou Trakai (Senieji Trakai) drie kilometer suidoos van Trakai.
Ou Trakai is net soos die ander historiese nedersettings in die Historiese Nasionale Trakai-park geleë wat met sy oppervlakte van sowat 8 200 hektaar ook altesaam 32 mere behels. 'n Ander belangrike besienswaardighede sluit die Karaïete-museum en historiese Karaïetiese houthuise in. Die Karaïete is 'n oorspronklik Joodse godsdienstige gemeenskap wat slegs die Tora erken en die Talmoed en Rabbynse tradisies verwerp het. In die 14de eeu het Karaïete hulle op die Krim-eiland gevestig. Op hul lang pad deur die Midde-Ooste het hulle 'n Turktaal as hul omgangstaal oorneem. Die Litause grootvors Vytautas het Karaïete en Tatare in die laat 14de eeu as paleiswagte vir sy kasteel in Trakai in diens geneem. Klein Karaïetiese gemeenskappe word tans nog in Warskou en Gdańsk aangetref.
Eksterne skakel
[wysig | wysig bron]- (en) , (lt) Die historiese museum van Trakai
