Spookdorp

'n Spookdorp is 'n verlate dorp, stad, of ander nedersetting, gewoonlik een met aansienlike sigbare oorblywende geboue en infrastruktuur soos paaie. 'n Dorp word dikwels 'n spookdorp omdat die ekonomiese aktiwiteit wat dit ondersteun misluk het. Dit kan ook ontstaan as gevolg van natuurrampe of mense; soos oorstromings, langdurige droogtes, regeringsaksies, onbeheerde wetteloosheid, oorlog, besoedeling of kernrampe.

Die term kan soms verwys na nedersettings wat nog steeds bevolk is, maar aansienlik minder as in vorige jare; byvoorbeeld diegene wat geraak word deur hoë vlakke van werkloosheid en verswakking.^[1]

Sommige spookdorpe, veral dié wat periode-spesifieke argitektuur bewaar, het toeristeaantreklikhede geword. Enkele voorbeelde hiervan is Bannack in die Verenigde State, Barkerville in Kanada, Craco in Italië, Kolmanskop in Namibië, Pripyat in die Oekraïne, en Danushkodi in Indië.

Suid-Afrika

Daar is tien dorpe in die Noord-Kaap wat as spookdorpe klassifiseer^[2]:

Burgerville
Deelfontein
Draghoender
Grootmist
Platbakkies
Sydney on Vaal
Putsonderwater
Koegas
Volop
Wallekraal

Verwysings

↑ Baker, T. Lindsay (2003). More Ghost Towns of Texas. Norman, OK: University of Oklahoma Press. ISBN 0806135182.
↑ (af) Die Noord-Kaap se spookdorpe

Eksterne skakels

Wikimedia Commons het meer media in die kategorie Spookdorp.
Fotos van Noord-Kaapse spookdorpe

[Baker-1] Baker, T. Lindsay (2003). More Ghost Towns of Texas. Norman, OK: University of Oklahoma Press. ISBN 0806135182.

[ln-spook-2] (af) Die Noord-Kaap se spookdorpe

[1]

[2]