Ruimtependeltuig Endeavour
Ruimtependeltuig Endeavour (NASA kenteken: OV-105) is 'n afgetrede pendeltuig van NASA se ruimtependeltuigprogram en die vyfde en laaste operasionele ruimtependeltuig wat gebou is. Dit het met sy eerste missie, STS-49, in Mei 1992 begin en sy 25ste en laaste missie, STS-134, in Mei 2011 onderneem.[1][2] Die verwagting was dat STS-134 die finale missie van die ruimtependelprogram sou wees,[3] maar nadat die STS-135-missie goedgekeur is, het Atlantis die laaste pendeltuig geword om te vlieg.
Die Amerikaanse Kongres het in 1987 die bou van Endeavour goedgekeur om Challenger, wat in die Challenger-ramp van 1986 vernietig is, te vervang.
Struktuuronderdele wat tydens die konstruksie van Discovery en Atlantis gebruik is, is in die montering daarvan gebruik. NASA het op kostegronde verkies om Endeavour uit onderdele te bou eerder as om Enterprise weer uit te rus.
Die wenteltuig is vernoem na die Britse HMS Endeavour, die skip wat kaptein James Cook op sy eerste ontdekkingsreis geneem het (1768–1771).[4] Die ruimtetuig het 'n stuk hout van Cook se skip binne-in die kajuit vervoer.[5] Die naam Endeavour was ook gebruik vir die beheermodule van Apollo 15, ook genoem na die skip van Cook.
Sien ook
[wysig | wysig bron]- Ruimtependeltuig
- Ruimtependeltuig Challenger
- Ruimtependeltuig Discovery
- Ruimtependeltuig Enterprise
- Ruimtependeltuig Columbia
- Ruimtependeltuig Atlantis
Verwysings
[wysig | wysig bron]- ↑ "Space Shuttle Overview: Endeavour (OV-105)" (in Engels). NASA. Geargiveer vanaf die oorspronklike op 22 Februarie 2020. Besoek op 30 Junie 2011.
- ↑ "STS-49". NASA KSC. Geargiveer vanaf die oorspronklike op 16 September 2012. Besoek op 30 Junie 2011.
- ↑ "Consolidated Launch Manifest" (in Engels). NASA. Geargiveer vanaf die oorspronklike op 15 Junie 2020. Besoek op 30 Junie 2011.
- ↑ John F. Kennedy Space Center – Space Shuttle Endeavour Geargiveer op Wayback Machine. Pao.ksc.nasa.gov. Besoek op 2012-05-20.
- ↑ Endeavour land: Satelliet/redding (hoogtepunte). Daily Breeze. Besoek op 2015-07-21.
Eksterne skakels
[wysig | wysig bron]Normdata  |
|
|---|