Galg

’n Galg is ’n stellasie waarmee terdoodveroordeeldes gehang word. In ou stede het dit dikwels op die sentrale stadsplein of buite die stadsmure gestaan waar teregstellings plaasgevind het. In moderner tye is dit dikwels in tronke opgerig.

Werking

’n Galg het dikwels ’n luik gehad waarop die terdoodveroordeelde gestaan het. Dié het dan meegegee om die persoon te laat val. Die tou, of strop, het om sy nek styfgespan en die persoon se volle gewig gedra. Hy het dan gesterf weens die druk wat die tou op sy nek geplaas het. Die dood kon om verskillende redes ingetree het:

Die afsluiting van die bloedvloei na die brein.
Beserings aan die nek of ruggraat.
’n Gebreekte nek.
Die obstruksie van die asemhalingskanaal (verstikking).
Onthoofding weens die liggaam wat te ver val.

Soms is ’n primitiewe galg gemaak, waar die persoon op ’n stoel gestaan het en die tou aan ’n boomtak vasgemaak is. Die stoel is dan onder die tereggestelde uitgeskop.

Galge is ook dikwels vir die marteling van byvoorbeeld slawe gebruik deur seker dele van die liggaam aan hake te laat hang.

Eksterne skakels

Wikimedia Commons het meer media in die kategorie Galg.
Hierdie artikel is vertaal uit die Duitse en Nederlandse Wikipedia