Elmina
Elmina | |
|---|---|
.jpg) Elmina se dorpsentrum. | |
 Wapen | |
  Elmina | |
| Koördinate: 5°05′00″N 1°21′00″W / 5.08333°N 1.35000°W | |
| Land |  Ghana |
| Streek | Sentrale streek |
| Distrik | Komenda/Edina/Eguafo/Abirem Munisipale Distrik |
| Stigting | 1482 |
| Bevolking | |
| • Totaal | 33 576 |
| Tydsone | GMT |
Elmina is 'n kusdorp in die suide van Ghana wat in die geskiedenis bekend geword het om die handel in slawe en goud. Dit is 'n wêrelderfenisgebied.
Dorp
[wysig | wysig bron]Die dorp lê aan die mond van die Benyarivier wat uitmond in die Golf van Guinee, 12 km wes van Cape Coast, 'n 60 km noordoos van Takoradi en 155 km wes van Accra. Die 35 000 inwoners is hoofsaaklik betrokke by die vissery, soutwinning, bou van bote en toerisme. Toeriste kom veral hierheen om die Elmina-kasteel, Fort Coenraadsburg, die Nederlandse begraafplaas en die Java Museum te besoek.
Geskiedenis
[wysig | wysig bron]Hier was die eerste Europese vestiging in Wes-Afrika en dit het gegaan om die handel in goud, slawe, ivoor en peper. Die mededinging tussen die Spanjaarde en die Portugese om beheer van die streek is in 1478 deur die Portugese gewen. In 1482 bou die Portugese die kasteel São Jorge da Mina om hul monopolie op die goud en die myne in die binneland te beskerm. In 1637 verower die Nederlandse Wes-Indiese Kompanjie die streek, bou Fort Coenraadsburg op die St. Jago-heuwel en 'n klein uitvoerhawe in die riviermond vir die gebied van die Ashanti. In die 18de eeu bombardeer HMS Leander die dorp Elmina en Britse troepe bestorm Fort Coenraadsburg. Die aanval word egter afgeslaan. Na eeue van beheer verkoop Nederland die gebied in 1872 aan Engeland. Toe die HMS Rattlesnake vasmeer, breek die Anglo-Ashanti-oorloë uit.
Trivia
[wysig | wysig bron]Die name van verskeie van die bewoners en plekke herinner nog aan die Portugese bewind. So ook is die argitektuur van verskeie geboue tipies Nederlands van daardie tyd. In hul tyd het die Portugese turksvye, suikerriet, piesangs en pynappels ingevoer en aangeplant en beeste daar ingevoer.
Bronne
[wysig | wysig bron]- Ensiklopedie van die Wêreld, deel 3. Stellenbosch: Albertyn-Uitgewery, 1994. ISBN 0-949948-02-0
- Green, Lawrence G.: Under a sky like flame. Kaapstad: Howard B. Timmins, 1954.
- Ploeger, Jan: Gedenkwaardige handelsforte in Wes-Afrika. Lantern. Tydskrif vir Kennis en Kultuur. Jaargang 18, no.2, Desember 1968
Eksterne skakels
[wysig | wysig bron]
Wikimedia Commons het meer media in die kategorie Elmina.
