iBet uBet web content aggregator. Adding the entire web to your favor.
iBet uBet web content aggregator. Adding the entire web to your favor.



Link to original content: https://af.wikipedia.org/wiki/Aperture_(programmatuur)
Aperture (programmatuur) - Wikipedia Gaan na inhoud

Aperture (programmatuur)

in Wikipedia, die vrye ensiklopedie
Aperture
Kort opsomming van die logo.
Aperture 3
Ontwikkelaar Apple Inc.
Aanvanklike vrystelling 2005
Gestaak 8 April 2015; vervang deur Foto’s
Nuutste weergawe 3.5.1/ 15 November 2013; 10 jaar gelede (2013-11-15)
Bedryfstelsel OS X
Kategorie Foto postproduksie
Lisensie Eiendomsprogrammatuur
Webblad Apple - Aperture

Aperture is ’n fotoredigering- en bestuurstoepassing wat deur Apple Inc. ontwikkel is vir die OS X-bedryfstelsel. Dit is aanvanklik in 2005 vrygestel[1] en is verkrygbaar op die Mac Toepwinkel.[2] Die programmatuur hanteer ’n aantal take soos die invoer en organiseer van beeldlêers, die toepassing van korrektiewe verstellings, die vertoon van skyfievertonings en die druk van foto’s wat algemeen in postproduksie voorkom.

Eienskappe van Aperture sluit nie-vernietigende redigering, organisering van foto’s volgens sleutelwoord, gesigte (deur middel van gesigsherkenning en -erkenning) en plekke (deur middel van GPS-metadata wat in beeldlêers ingebed is), kwaste vir die aanwending van effekte (soos ontwyking en inbranding, velversagting en polarisering) en uitstuur na verskeie gewilde webblaaie insluitend Flickr, Facebook, SmugMug en Apple se iCloud. Die toepassing is deur talle onafhanklike persone geresenseer.[3][4][5][6]

Op 6 Januarie 2011 het Apple die beskikbaarheid van Aperture op die Mac Toepwinkel aangekondig.[7] Aperture 3.5, die nuutste weergawe van die programmatuur, is op 22 Oktober 2013 vrygestel en werk op Intel-gebaseerde Mac-rekenaars. Die weergawe bied ondersteuning vir iCloud Fotodeling, integreer SmugMug en voeg ondersteuning vir iOS 7-kamerafilters toe. Aperture 3.5 benodig OS X 10.9 Mavericks of nuwer om te werk.

Funksies

[wysig | wysig bron]
  • Volle roudataformaatondersteuning vanaf invoer na uitstuur (vir ondersteunde kamera’s)
  • Ondersteun verbinde fotografering van Nikon en Canon digitale spieëlreflekskamera’s.[8]
  • Meester beeldlêers (rou of anders) kan in een plek bewaar word tydens invoer of wanneer na die Aperture-biblioteek gemigreer word.
  • Rou Verfyning wat weergawes van rou dekodering om oor tyd bestuur te word en omsettingsparameters om verstel te word.
  • Talle beeldaanpassingsnutsmiddels insluitend kleurbywerking, ’n helderheidsgebaseerde randskerpmaker en kolherstelling.
  • Lenskorreksienutsmiddels soos chromatiese afwyking.
  • Projekbestuur met uitgebreide metadata- en soekondersteuning.
  • Outostapeling, ’n manier om foto’s te groepeer gebaseer op die tyd tussen sluiterklikke.
  • Stapels (vir groepering van foto’s) en Weergawes (om meerdere kopieë van dieselfde beeld te maak).
  • Strek oor meerdere skerms.
  • Loep waarmee van 50% tot 1600% gezoem kan word.
  • Ligtafel, ’n tipe vryevormwerkspasie.
  • Inheemse ondersteuning van die Adobe Photoshop PSD, PNG, JPEG en TIFF-formate.
  • Nie-vernietegende beeldredigering
  • Verstelbare druk en publisering
  • Ondersteun invoere van USB en FireWire-geheuekaartlesers of direk vanaf ’n kamera wat d.m.v. USB verbind is.
  • Die vermoë om meerdere beelde gelyktydig te zoem en verskuif.
  • Lees- en skryfondersteuning vir IPTC-beeldmetadata.
  • Aanpasbaare boekskepping.
  • Webgallery- en woernaalskepping, oplaaibaar deur FTP of WebDAV.
  • Volledig uitgeruste volskermmodus vir redigering en sortering van beelde.

Aperture 2.0

[wysig | wysig bron]

Aperture 2.0 is op 12 Februarie 2008 vrygestel met ’n verminderde prys van $199[9] in vergelyking met die $499 wat weergawe 1.0 in Amerika gekos het.

  • Vaartbelynde koppelvlak.
  • Verbeterde beeldverwerking weens databasisoptimering en koppelvlakverbeterings.
  • Verbeterde beeldverwerking met opgedateerde roudata-ondersteuning.
  • Verbeterde integrasie met OS X MobileMe (nou iCloud) en verskeie programmatuurpakkette insluitend iLife en iWork.
  • Ondersteuning vir redigering van inproppe insluitend Apple se eie ontwykings- en inbrandingsnutsmiddel (Aperture 2.1).[10]

Aperture 3.0

[wysig | wysig bron]

Aperture 3.0 is op 9 Februarie 2010 vrygestel[11] en dit is die eerste weergawe van Aperture wat slegs op Intelgebaseerde Macintosh-rekenaars werk (vorige weergawes kon op PPC-gebaseerde stelsels ook werk). In Februarie 2011 het Apple Aperture 3.0 deur die Toepwinkel beskikbaar gestel teen ’n verminderde prys van $80 in Amerika. Apple het aanspraak gemaak op meer as 200 nuwe funksies in weergawe 3.0 en het die grootste verbeteringe soos volg genoem:[12]

  • ’n 64 bis-toepassing wat groot lêers soos ultra hoë definisie skanderings kan hanteer.
  • Gesigsherkenning en -erkenningsfunksie genaamd Faces.
  • Plaas prente op kaarte deur Plekke te gebruik. Dit is versoenbaar met GPS-metadata en handmatig wysigbaar deur ’n interaktiewe kaart.
  • Inheemse integrasie met Flickr en Facebook.
  • Nie-vernietigende, randbewuste kwaste om verstellings aan foto’s aan te bring.
  • Dosyne nuwe ingeboude verstellingsinstellings. Sommige fotograwe het pasgemaakte instellings beskikbaar gestel om afgelaai te word.[13]
  • Gevorderde skyfievertonings.
  • Hantering en redigering van video- en klanklêers.

Weergawegeskiedenis

[wysig | wysig bron]
Weergawe Vrystellingsdatum Veranderinge
1.0 30 November 2005 Aanvanklike vrystelling
1.0.1 21 Desember 2005 Foutherstelling met skadublokkering in 8-bis-beelde, uitstuurprobleme na Exif en verbeterde werkverrigting in sleutelwoordsoektogte.
1.1 13 April 2006 ’n Noemenswaardige opdatering wat nuwe funksies soos universele ondersteuning, verbeterde roubeeldkwaliteit, rouverfyning, outomatiese geraasversagting, nuwe kleurmeter, verbeterde uitstuurbeheer en ander klein verbeteringe en foutherstellings.
1.1.1 4 Mei 2006 Spreek verskeie kwessies aan wat verband hou met werkverrigting, stabiliteit, kleurkorreksie en vertoonversoenbaarheid.
1.1.2 21 Junie 2006 Spreek kwessies aan wat verband hou met algehele betroubaarheid en werkverrigting.
1.5 29 September 2006 ’n Noemenswaardige opdatering met verskeie nuwe funksies insluitend Buigbare Biblioteekbestuur (meesterlêers kan buite die biblioteek sowel as aflyn gebêre word), integrasie met iLife ’06 en iWork ’06, Outomatiese Metadata Uitsturing, Kantverskerping en iPod-fotosinchronisering. Ondersteun ook amptelik Intelgebaseerde Macs met ten minste 1 GG RAM. Prys verlaag van $499 tot $299.
1.5.1 2 November 2006 Verbeter algehele betroubaarheid en werkverrigting in talle areas van die toepassing, insluitend sleutelwoorde, die Loep, bysnyding, voorskoue, metadata-instellings, lêerherbenoeming, invoer van iPhoto-biblioteek en watermerke.
1.5.2 11 Desember 2006 Spreek talle kwessies rakende algehele betroubaarheid en werkverrigting in ’n aantal areas in, insluitend die uitdruk van kontakvelle, Slimalbums, watermerke, lig en stempel, lêerinvoere en weergawes van lêers wat met ’n eksterne program geskep is.

Verwysings

[wysig | wysig bron]
  1. ↑ Heid, Jim (26 Desember 2005). "Macworld Aperture 1.0.1 Resensie" (in Engels). Macworld.com. Geargiveer vanaf die oorspronklike op 22 Desember 2011. Besoek op 15 Februarie 2011.
  2. ↑ "Aperture in die Mac Toepwinkel" (in Engels). Itunes.apple.com. Geargiveer vanaf die oorspronklike op 20 Desember 2016. Besoek op 15 Februarie 2011.
  3. ↑ (en) "Apple Aperture 3 resensie en gebruikersgids deur Ken Rockwell". kenrockwell.com. 12 November 2011. Besoek op 12 Junie 2012.
  4. ↑ "Apple Aperture 3 resensie" (in Engels). TechRadar. 27 Maart 2010. Geargiveer vanaf die oorspronklike op 18 Julie 2018. Besoek op 12 Junie 2012.
  5. ↑ "Aperture 3: Die Ars-resensie" (in Engels). Ars Technica. 18 Maart 2010. Geargiveer vanaf die oorspronklike op 29 Oktober 2016. Besoek op 12 Junie 2012.
  6. ↑ "Lightroom vs Aperture – al die eienskappe vergelyk" (in Engels). Technology for Media. 13 Februarie 2013. Geargiveer vanaf die oorspronklike op 18 Julie 2018. Besoek op 5 November 2013.
  7. ↑ "Aperture op die Toepwinkel" (in Engels). Itunes.apple.com. 5 Januarie 2011. Geargiveer vanaf die oorspronklike op 28 November 2017. Besoek op 15 Februarie 2011.
  8. ↑ "Aperture 3: Wenke vir verbinde fotografering" (in Engels). apple.com. Geargiveer vanaf die oorspronklike op 28 Februarie 2014. Besoek op 16 April 2011.
  9. ↑ Juskalian, Russ (12 Maart 2008). "Macworld Aperture 2 Resensie" (in Engels). Macworld.com. Geargiveer vanaf die oorspronklike op 31 Januarie 2012. Besoek op 15 Februarie 2011.
  10. ↑ "Aperture - Hulpbronne - Inproppe" (in Engels). Apple.com. Geargiveer vanaf die oorspronklike op 7 April 2015. Besoek op 15 Februarie 2011.
  11. ↑ "Apple Persverklaring" (in Engels). California: Prnewswire.com. Geargiveer vanaf die oorspronklike op 14 Mei 2019. Besoek op 15 Februarie 2011.
  12. ↑ "Apple se funksielys" (in Engels). Apple.com. Geargiveer vanaf die oorspronklike op 31 Maart 2015. Besoek op 15 Februarie 2011.
  13. ↑ "Pasgemaakte Aperture-instellings om af te laai" (in Engels). Aperturepresets.tumblr.com. 23 Januarie 2011. Geargiveer vanaf die oorspronklike op 20 November 2018. Besoek op 15 Februarie 2011.

Eksterne skakels

[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=Aperture_(programmatuur)&oldid=2432285"