金條

  想搵美國華盛頓州嘅城市，請睇「金條 (華盛頓州)」。

有個人攞住一碌金條。買同儲金條可以保值，不過收藏金條可以幾有學問，包括要買保險。

金條（粵拼：gam1 tiu2）係指整成一條嘅金，可以作爲銀行儲備，佢嘅價值取決於黃金純度同埋質量。同金幣或者金飾比起嚟，金條通常冇乜點經過加工，所以佢哋嘅買賣價會最接近實質啲金嘅價值。

買法

睇埋：金舖同金幣

金條同金幣唔一定好貴。例如睇吓 2020 年代初香港恆生銀行嘅金產品嘅話，有恆生個撈稿喺上邊嘅 1 金衡制安士（1 金衡制安士等如 31.10 g 左右）金條值成萬幾文港紙一條，但比較平嗰啲產品（例如係得 1 到 5 g 咁重嘅金條）只係花費 500 至 3,000 文港紙就可以買得到—平均嚟講，同期香港打工仔嘅月入大約係三萬零港紙左右。

投資

喺 2020 年代初，金條（同金幣並列）係最受歡迎嘅黃金投資方法。投資者可以去銀行或者金舖等嘅地方買金條或者金幣。揸金條同金幣等嘅實體黃金有好多好處：唔少人都覺得持有啲金令佢哋有一股安心感。不過持有實體黃金都有弊處，最主要嘅問題在於要擔心保安，因而要同啲金買保險，呢啲嘢可以幾撈絞。

睇埋

• 黃金投資
• 足金金猴
• 元寶