曲綫係綫一種，兩端距離係任意，無直綫嘅限制。有啲曲綫按規律，如拋物綫等。喺平面入面嘅曲綫叫做平面曲綫（plane curve），立體空間入面曲綫就叫做空間曲綫（space curve）。
喺拓樸學入面，曲綫嘅定義係由一個實線上面嘅開區間打去一個空間嘅連續函數；而喺微分幾何入面，定義都類似，不過個函數就要求係連續可微或者係光滑嘅。代數幾何入面就會研究代數曲線（algebraic curve），定義係一維嘅代數簇。
