兔
「兔仔」跳轉到呢度。想搵丟勒嘅畫，請睇「兔仔 (丟勒)」。
兔（粵拼：tou3），俗稱兔仔（粵拼：tou3 zai2），係哺乳類兔形目兔科、食齋嘅脊椎動物。
兔科下屬所有嘅屬，除咗兔屬（Lepus）以外，通常被歸類於兔；而兔屬大約佔近一半嘅種類成日又被稱為野兔。然而，呢兩種俗名嘅區別並唔應用於而家嘅科學分類，例如長耳大野兔係兔屬嘅成員，而岩兔屬（Pronolagus）同埋粗毛兔屬（Caprolagus）有時被稱為野兔。
兔仔冇汗腺，所以唔會流汗，耳仔可以散熱，兔仔嘅排尿機制屬於濃縮性，對水分嘅需求比其他動物少，有啲兔仔只要靠青草上嘅露水就得，或者從蔬菜攝取足夠水分，故此好少睇到兔仔喺河邊飲水。兔仔飲太多水個肚會唔舒服。但認為兔仔唔飲水係誤解，若果係豢養嘅寵物兔就一定要飲水，唔係就會同一般動物一樣缺水而死。
兔係全世界除咗大洋洲以外都係原生嘅動物。喺澳洲，兔嘅引入對當地嘅哺乳動物受到嚴重嘅威脅。
養兔仔
[編輯]有啲人以為兔仔淨係食紅蘿蔔，其實係錯嘅。養兔仔應該要畀牧草、適量乾糧同埋潔淨嘅食水畀佢哋,亦要俾良好嘅生活環境佢哋。[1]
兔形象嘅衍生作品
[編輯]- 兔女郎
- 賓尼兔
- Moshe Maro
- 《龜兔賽跑》
拎
[編輯]- ↑ 兔子吃紅蘿蔔 錯! 餵牧草才對（國語）
| 十二生肖 |
|---|
| 鼠 | 牛 | 虎 | 兔 | 龍 | 蛇 | 馬 | 羊 | 猴 | 雞 | 狗 | 豬 |
 |