Tang-kiaⁿ-to͘
| Tang-kiaⁿ-to͘ 東京都 |
|||
| — to͘ — | |||
|
|
|||
|
|||
 |
|||
| Keng-hūi-tō͘: 35°41′23″N 139°41′32″E / 35.68972°N 139.69222°E | |||
| Kok-ka | Ji̍t-pún | ||
|---|---|---|---|
| Tē-hng | Kantô | ||
| Tó-sū | Honsyû | ||
| Hú-siâⁿ | Tang-kiaⁿ | ||
| Bīn-chek | |||
| - Lóng-chóng | 2,194 km2 | ||
| Jîn-kháu (2023) | |||
| - Lóng-chóng | 14,094,034 lâng | ||
| - Bi̍t-tō͘ | 6,423.9/km2 | ||
| Bāng-chām | www |
||
Tang-kiaⁿ-to͘ (東京都 Tōkyō) sī Ji̍t-pún ê siú-to͘. Tōa Tang-kiaⁿ sī choân sè-kài tòa siāng chē lâng ê to·-hōe. Tang-kiaⁿ pún-sin to-ū 1,200-bān ê jîn-kháu. Ji̍t-pún ê chèng-tī, keng-chè, bûn-hòa tiong-sim lóng tī hia. Ji̍t-pún Thian-hông tī hia khiā-khí; tiong-iong chèng-hú ê ki-koan mā siat tī hia. Tang-kiaⁿ sī Tang-a-chiu ê 1 ê tiong-sim.
Tang-kiaⁿ ê miâ piáu-sī i tī í-chá ê hú-siâⁿ Kiaⁿ-to· tang-hong. (Kiaⁿ-to· ū 1 toāⁿ sî-kan hō·-chò "Sai-kiaⁿ".)
Siong-tùi pa̍t-ê pêⁿ tōa--ê to·-chhī, Tang-kiaⁿ ê koân-lâu-á-chhù ke chiâⁿ chió tòng. Khah chē sī 6-chân chì 10-chân ê kē lâu-á. Che sī in-ūi le̍k-sú siōng, Tang-kiaⁿ tē-tài bat hoat-seng kòe chin chē pái tōa tē-tāng; hiān-tāi ê kiàn-tio̍k-hoat hān-chè khí koân-lâu.
Tang-kiaⁿ ū choân sè-kài hoat-tián siāng-kài chiâu-chn̂g ê tāi-chiòng ūn-su hē-thóng.
Hiān-jīm ê ti-sū: Koike Yuriko
Tē-lí
[siu-kái | kái goân-sí-bé]
Tang-kiaⁿ-to· pau-koat pún-tó kah gōa-tó. Pún-tó tē-khu sī Kantô pêng-goân ê 1 pō·-hūn, tī Tang-kiaⁿ-oan ê sai-pak pêng, tang-sai-hiòng iok-lio̍k 90 km khoah, lâm-pak-hiòng, 25 km. Tang ū Tiba-koān; sai ū Yamanasi-koān; lâm ū Kanagawa-koān; pak ū Saitama-koān. Tó-sū pau-koat Izu-tó kah Ogasawara-tó, kî-tiong siāng hn̄g ê tó lī pún-tó 1,000 km.
Le̍k-sú
[siu-kái | kái goân-sí-bé]Tang-kiaⁿ goân-thâu sī Edo (江戸) chit ê siâⁿ, tī 1457 nî khí-chō--ê. 1603 nî sêng-li̍p ê Tokugawa Bō·-hú (徳川幕府) khai-sí ùi Edo thóng-tī. Thian-hông ê chū-só· goân-chāi tī kū-to· Kiaⁿ-to·. 1868 nî ê 9-goe̍h, Tokugawa Bō·-hú lo̍h-tâi, Bêng-tī Thian-hông bēng-lêng Edo kái hō chò Tôkyô (Tang-kiaⁿ). Chū hit-chūn khai-sí, Thian-hông tō lóng tòa hia, Tang-kiaⁿ mā tòe leh chiâⁿ-chò Ji̍t-pún ê hú-siâⁿ. Chóng--sī, hoat-lu̍t-siōng lâi kóng, pēng bô chèng-sek chí-tēng Tang-kiaⁿ chò siú-to·.
1923 nî ê Kantô Tōa Tē-tāng chō-chiâⁿ Tang-kiaⁿ ū 7-bān-lâng sí--khì. Liáu-āu ū 1 ê têng-kiàn kè-oē. Tē-jī-pái Sè-kài Tāi-chiàn tang-tiong, Tang-kiaⁿ siū tio̍h Bêng-kun hong-chà, siâⁿ-chhī tōa-pō·-hūn phò-hāi liáu-liáu. Chiàn-āu Bí-kun tī Tang-kiaⁿ tē-tài siat kun-sū ki-tē.
Ji̍t-pún tī 1950, 60 nî-tāi kip-sok hoat-tián ki-chhó· kiàn-siat, chè-chō-gia̍p. Kàu-kah 1964 nî Tang-kiaⁿ í-keng ū lêng-le̍k kí-pān hit nî ê Joa̍h-thiⁿ Olympia Ūn-tōng-hōe. Tang-kiaⁿ pìⁿ-chiâⁿ choân sè-kài lóng khoàⁿ-ē-tio̍h ê Ji̍t-pún "keng-chè kî-chek".
1970 nî-tāi ê Tang-kiaⁿ hām kî-thaⁿ Ji̍t-pún to·-chhī sio-siâng, ū chiâⁿ chē tùi chng-kha sóa khì kàu siâⁿ-chhī ê î-bîn lô-kang.
Hêng-chèng
[siu-kái | kái goân-sí-bé]Tang-kiaⁿ sī Ji̍t-pún hêng-chèng hē-thóng î-it ê 1 ê "to·". To·-chèng-hú ê pān-kong tiong-sim siat tī Sinzyuku. Tang-kiaⁿ-to· pau-koat 26 ê chhī, 23 ê te̍k-pia̍t-khu, 1 ê kūn, 5 ê teng (町), kah 8 ê chhoan.
Tōa Tang-kiaⁿ pau-koat Tang-kiaⁿ-to· kah hù-kīn ê 3 ê koān: Kanagawa, Saitama, Tiba. Chóng-jîn-kháu: 3,341-bān lâng.
Te̍k-pia̍t-khu
[siu-kái | kái goân-sí-bé]Bīn-chek: 621 km². Jîn-kháu (2002): 828-bān lâng (pêng-kin 1 km² ū 13,333 lâng). Múi-1-ê te̍k-pia̍t-khu soán chhut ka-kī ê khu-tiúⁿ kah gī-hōe.
- Adati-khu (足立区)
- Arakawa-khu (荒川区)
- Bunkyô-khu (文京区)
- Tiyoda-khu (千代田区)
- Tyûô-khu (中央区)
- Edogawa-khu (江戸川区)
- Itabasi-khu (板橋区)
- Katusika-khu (葛飾区)
- Kita-khu (北区)
- Kôtô-khu (江東区)
- Meguro-khu (目黒区)
- Minato-khu (港区)
- Nakano-khu (中野区)
- Nerima-khu (練馬区)
- Ota-khu (大田区)
- Setagaya-khu (世田谷区)
- Sibuya-khu (渋谷区)
- Sinagawa-khu (品川区)
- Sinzyuku-khu (新宿区)
- Suginami-khu (杉並区)
- Sumida-khu (墨田区)
- Tosima-khu (豊島区)
- Taitô-khu (台東区)
Chhī
[siu-kái | kái goân-sí-bé]- Akiruno-chhī
- Akisima-chhī
- Tyohu-chhī
- Hutyû-chhī
- Hussa-chhī
- Hatiozi-chhī
- Hamura-chhī
- Tang-kurume-chhī (Higasikurume)
- Tang-murayama-chhī (Higasimurayama)
- Tang-yamato-chhī (Higasiyamato)
- Hino-chhī
- Sai-tang-kiaⁿ-chhī (Nisi-tôkyô)
- Inagi-chhī
- Kiyose-chhī
- Kodaira-chhī
- Koganei-chhī
- Kokubunzi-chhī
- Komae-chhī
- Kunitati-chhī
- Matida-chhī
- Mitaka-chhī
- Musasimurayama-chhī
- Musasino-chhī
- Ome-chhī
- Tatikawa-chhī
- Tama-chhī
Kūn
[siu-kái | kái goân-sí-bé]- Nisitama
- Hinohara (檜原村)
- Hinode (日の出町)
- Mizuho (瑞穂町)
- Okutama (奥多摩町)
Tó
[siu-kái | kái goân-sí-bé]Hêng-chèng siōng, Izu-tó (伊豆諸島) hun 4 ê "chi-thiaⁿ" (支庁):
- Hatijô (八丈支庁)
- Aogasima (青ヶ島村)
- Hatijô (八丈町)
- Miyake (三宅支庁)
- Mikurazima (御蔵島村)
- Miyake (三宅村)
- Ogasawara (小笠原支庁)
- Ogasawara (小笠原村)
- Osima (大島支庁)
- Kôzusima (神津島村)
- Nîzima (新島村)
- Osima (大島町)
- Tosima (利島村)
Koan-kong tē-tiám
[siu-kái | kái goân-sí-bé]
- Kôkyo, Thian-hông ê chū-só·
- Tang-kiaⁿ Thih-thah
- Tang-kiaⁿ Kok-li̍p Phok-bu̍t-koán
- Edo-Tang-kiaⁿ Phok-bu̍t-koán
- Roppongi Hills, 1 tòng sin koân-lâu
- Ji̍t-pún Bú-tō-koán kah Tang-kiaⁿ Dômu
- Odaiba, tī Tang-kiaⁿ-oan ê 1 ê tōa jîn-chō-tó
- Khēng Kiô (レインボーブリッジ) kah Yurikamome chiah-ūn hē-thóng
- Kabukiza hì-īⁿ
- Akasaka Palace and Jingu Gaien Park
- Bêng-tī Sîn-kiong
- Ueno Kong-hn̂g
- Sumida Kong-hn̂g
- Nagata-cho, Ji̍t-pún Kok-hōe hām kî-thaⁿ ê chèng-hú ki-koan ê tē-tiám
- Kinryû-soaⁿ Sensô-sī, tī Asakusa
- Tang-kiaⁿ Disney, tī Tiba-koān ê Urayasu, Tang-kiaⁿ hù-kīn
Gōa-pō͘ liân-kiat
[siu-kái | kái goân-sí-bé]
- Tang-kiaⁿ chèng-hú ê koan-kong chu-sìn Archived 2004-10-25 at the Wayback Machine. (Hôa-gí)
Siong-koan tiâu-ba̍k
[siu-kái | kái goân-sí-bé]
| ||||||||||||||||||||||||||||||||||||||||||
|