Wienkel
- Dit artikel es geschreevn in 't Wienkels, en da zou best ozô bluuvn.
| Wienkel of Wienkel-Sint-Elôoi | |
|---|---|
 Liggienge in de gemêente Leegem | |
| Geografie | |
| Provinsje |  West-Vloandern
|
| Gemêente | Legem |
| Coördinoatn | 50°52′NB 3°10′OL |
| Oogteliggienge | {{{hoogte}}} m |
| Ippervlakte | 8,76 km² |
| Inweuners – Bevolkiengsdichtheid |
3.754 (01/01/2006) 429/km² |
| Vintn Vrown |
{{{mannen}}}% {{{vrouwen}}}% |
| Andre info | |
| Postcode | 8880 |
| Zonenummer | |
 Zicht up Wienkel en de kerke | |
Wienkel (Nederlands: Sint-Eloois-Winkel) es is e dêelgemêente van Legem en weird wok wel ne kêer Kapelle of Wienkel-Sint-Elôoi genoemd.
D'officiële noame is St.-Eloois Winkel. Deur de joarn is Wienkel dikwils van noame veranderd en doardeure bestoan d'r wok ol die verskilnde utsproakn. In 1382 weird er den êeste kêer gewag gemoakt van Cappelle ten Winkele, in 1903 is ton indelyks de noame St.-Eloois Winkel anveird.
Geskienisse
[bewerkn | brontekst bewerken]Gelik da de noame doe vermoedn is Wienkel in tydde ontstoan rond een kapelle die an den oek van e stroate stond. Wienkel is ton wok et odde Vlamse woord vôo oek. Die kapelle wos echtre gin kerke woadeure da we nie keun'n spreekn van e prochie.
Tut 1747 mostn de Wienkelnoars olsan noar de messe goan in Gullegem want onder die prochie vieln ze. Jin van de invloedrikke jirn van de hofstee 't Goed ter Schuere, Jean Baptist Mulle de Terschueren mjir bepoald, ging in da joar un anvroage gan doen by de biskop van Dôornik om Kapelle un aparte prochie te moakn. Dankzie zinne invloed is em da gelukt. Ze zyn ton wok begon mee e kerke te bouwn.
In de nacht van achte ip neegn juni 1953 is die kerke ofgebrand. By gebrek an woatre en goe blusmaterioal is't gebouw hjillehans utgebrand, alljinne de meurn ston'n nog rechte. Njin'n 's nachts sloeg de klokke nog vôo de latste kêer bistn da olles d'r rond in brande stond. E traumoatische gebeurtenisse vôo de Wienkelnoars. In 1956 wier't er begon'n me de nieuwbouw en ip 20 juli 1959 is ze were ingewid. De moderne kerke da we nu zien, is ipgetrokn rond't geroamte van de odde.
De latste derte joar is Kapelle zêre an't utbreidn. Wa da ôoit e klêne prochie wos mee e poar uzjes is nu e toamelykke beweunde kern mee hêel wa typisch Vlamske verkoaveliengn.
Beziensweirdigheedn
[bewerkn | brontekst bewerken]
De odde noamn van Wienkel
[bewerkn | brontekst bewerken]- 1382 - Cappelle ten Winkele
- 1460 - Winkele-Kapelle
- 1574 - Wincle-Capelle
- 1641 - Winkelkapelle
- 1718 - Winckele Cappelle
- 1764 - Wynckel St Eloy
- 1792 - Winckelecapelle
- 1793 - Wynckel Sint-Eloi
- 1903 - Sint-Eloois-Winkel
Bekende Wienkelnoars
[bewerkn | brontekst bewerken]- Tjok Dessauvage Keramiek kunsteneire.
- Nico Mattan, ne bekende ex-coureur is weunachte in de prochie.
- Chantal Pattyn Netmanager Radio Klara.
Externe lienk
[bewerkn | brontekst bewerken]
|
Ofbeeldiengn die ier by passn ku je vien in de categorie Sint-Eloois-Winkel van Wikimedia Commons. |