Donatello
Donato di Niccolò di Betto Bardi, Donatello genoemd, (Firenze, 1386 - Firenze, 13 december 1466), was ‘n Italioanschn beeldhouwer uut de vroege Renaissance. Je was êen van de grotste beeldhouwers in Firenze vo Michelangelo en styf geirn gezien deur Cosimo en Lorenzo de' Medici.
Zyn leevn
[bewerkn | brontekst bewerken]Donatello was e lêerlink van Lorenzo Ghiberti. Je werkteg' ollêne an de figeurn van de profeetn, die round 1425 in de nissn van de Campanile van Giotto gezet wierdn. Je makte z’in e krachtige, realistische styl me karikaturoale oanzichtn me sterk getêeknde trekkn. Ze zyn geklid in zwoare draperien me diepe plôoin.
De gratieuze Florentynsche gêest is te zien in zyn Sint-Joris.
Je vertrok ênigte joarn no Rome, mor in 1433 ist ’n weregekêerd en je makte ton e bronzn beeld van David met ’n hoedje me blommn, vo den êeste ki sedert den Oudheid ofgebeeld in zyn blôotn.
Je versierde de prikstoel van de dom in Prado me kienderfigeurn en ook de orgelgalerye (cantoria) van de Santa Maria del Fiore in Firenze.
Van 1443 tout 1453 was Donatello in Padua, woa dat ’n e standbeeld miek van Gattamelata ip z'n peird, ’t êeste belangryk bronzn peirdestandbeeld sedert den Oudheid. Donatello liet hem vo da werk inspireern deur e standbeeld van Marcus Aurelius in Rome. Gattamelata was ipperbevelhebber gewist van de Venetioansche strydkrachtn en gestorvn in 1443.
In de twiddn helft van de 15e eeuwe is Donatello weregekêerd no Firenze. Je was e mêester in ol de techniekn van zyn kunst en je kost styf goed de menschelikke gevoelns were geevn, lik in de figeure van Maria Magdalena in hout, en ôok in ’t bas-reliëf van de Kruusofnoame ip de prikstoel van de San Lorenzo.
Donatello is begroavn in de crypte van de kapelle van de Basilica San Lorenzo in Firenze.
 |
 |
|
Ofbeeldiengn die ier by passn ku je vien in de categorie Donatello van Wikimedia Commons. |