Renasimento

Una de le opere pi famose del Rinasimento: La nàsita de Venere del Botticeli

El Rinasimento el xe un periodo artistico e cultural de la storia d'Europa, che se cata tra la fin del medioevo e el scuminsio de l'età moderna. In sto periodo se ga instaurà un novo ideal de vita e ghe xe stà na rifioridura dei studi umanistici e de le arti bele. El rinovamento cultural e sientifico el xe intacà inte el XV secolo in Italia, dove uno dei çentri prinsipai xera Firenze, par dopo difóndarse in tuta Europa. In sienza, teologia, leteratura, arte, el Rinasimento el xe nato da la riscoperta de testi greci e latini conservà ne l'Inpero Bizantin e inte i prinsipai monasteri europei, che la ga incorajà tuta na serie de novi studi e invenzion inte el secolo sucesivo. Altro çentro prinsipal de sta corente xera Napoli: grazie ai ligami culturai e artistici co Firenze e ai rinovamenti de Alfonso d'Aragona, xe nato el Rinasiimento napoletan.

Al centro del Rinasimento e del soo pensièr filoxofico (l'Umaneximo), ghe xera l'omo inte el conceto pì assoluto e de na sia elevasion e rivalutasion dela so dignità in particolare dele soe potensialità a livèl de pràtega creativa e de capacità de aprendere e conosare el mondo. Xera na vixiòn dela vita otimista e poxitiva. El novo movemento el spasiava, par via de materie de studio, da Architetura (specie quea reigioxa, ma anche civìl) a Arte pitorica e scultorea, ma anca inte 'l' anbito dele letare se ga avù na bea inpenada dele opere. Tuto ciò co el criterio de riscoperta de l'omo.

Alcuni storici i mete la data de la fin del Rinasimento al 6 de majo 1527, quando le truppe spagnole e todesche le ga sachegià Roma, mentre ne la storia de la musica la conclusion la sarìa pi avanti, tra el 1600 e el 1620.