Kinder (Ferrero)
Kinder ła ze na marca comersiałe itałiana, de propietà de l'azienda itałiana Ferrero S.p.A., che ła identifega na łinea de prodoti dolsiari, zenaralmente a baze de ciocołato.
Ła marca, zlansada inte'l 1968, ła raprezenta una de łe prensipałe marche de ła Ferrero[1]. El nome el deriva da'l tèrmeno todesco Kinder, che'l senjifega "putełi".
El só bomò, mai modifegà da ła fondasion, el resita "+ latte - cacao (+ łate - manco) "[2].
Łinee
[canbia | canbia el còdaxe]
Ła Kinder ła ze sudividesta in varie łinee, a segonda de ła morfołozia e da ła clasifegasion dei prodoti.
Kinder Cioccolato
[canbia | canbia el còdaxe]
El primo prodoto reałizà co ła marca Kinder: ła ze na bareta de glasa al łate infarsìa de ciocołato Kinder. El suceso el ze stà mediato e daspuò ła Ferrero ła ga continuà a idear risete par ła creasion de un nùmaro senpre maxor de prodoti.
Kinder Cereali
[canbia | canbia el còdaxe]Na bareta co ła stesa consistensa del Kinder Cioccolato, co ła difarensa de na forma pì łarga e ła zonta dei sincue sereałi. El pezo neto de'l prodoto el ze de 21 g e el ze uno dei prodoti de ła łinea Kinder publisizài come pì "sani" e nutrisionałi. El ze stà produzesto par ła prima volta inte'l 1976.
Kinder Bueno
[canbia | canbia el còdaxe]
Na confesion de 2 wafer infarsìi de ciocołato a łe nozełe e coèrzesti de ciocołato al łate. El conparise inte i suparmarcà inte'l 1991 e el ze el primo prodoto Kinder crocànte. Intrà i prodoti de ła łinea el ze oncora uncò uno dei pì vendesti.
Kinder Bueno White
[canbia | canbia el còdaxe]Na variànsa de'l Kinder Bueno, infarsìo da na glasa al łate e graneła de cacao, entrà in comersio inte'l 2006 inisialmente come edision łimitada, drioman el ze està stabilmente in łistin.
Kinder Bueno Dark
[canbia | canbia el còdaxe]N'altra variànsa, pì resente. Conpanjo de'l clàsego Kinder Bueno ma el ciocołato el ze fondente.
Kinder Schoko Bons
[canbia | canbia el còdaxe]
Picołi voveti al łate e scaje de noziołe coverte de ciocołato al łate.
Kinder Sorpresa
[canbia | canbia el còdaxe]Nasesti inte'l 1974 da na idea de Michele Ferrero e de William Salice (che parò i atribuiva a Ferrero l'efetiva ideasion de'l prodoto, afermando: «L'inventor el ze Ferrero, mi A so l'ezecutor materiałe»[3]) ła ga otenjesto suceso soratuto da i putełi grasie ai gadget che A ze posìbiłe catar fora al só interno, protezesti da na sołida cùboła de plàstega par motivi izèneghi. Ła cùboła de plàstega ła vien a só volta siziłada drento un vovo de glasa al łate coverto de ciocołato Kinder. El só pezo neto el ze 20 g.
Kinder Delice
[canbia | canbia el còdaxe]Kinder Delice ła ze na marendina reałizada co do dełicadi pan de Spagna a'l cacao, co covertura a'l cacao e infarsìa al łate.
Kinder Brioss
[canbia | canbia el còdaxe]Kinder Brioss ła ze na marendina produzesta a partir da'l 1975[4][5] da ła Kinder, łinea dedicada al ciocołato de l'industria dolsiaria Ferrero.
Reałizada co pan de Spanja infarsìo co dopio strato de crema al łate, ła ze vendesta in confesion da dieze tòchi. Ła ze disponìbiłe anca in varsion integrałe.
Variànse
[canbia | canbia el còdaxe]Inte i ani A ze stàe proponeste anca de łe variànse, de frecuente in "edision łimitada", che łe ga afiancà el prodoto prensipałe:
- Kinder Yogo Brioss, co un strato de crema al yogurt ed uno de confetura de armełini.
- Kinder Brioss Frutta, co dopio strato de confetura de armełini.
- Kinder Brioss Frutta Agrumi, co dopio strato de confetura de łimoni e naranse.
- Kinder Brioss Latte Macchiato, co dopi strato de crema al cafè decafeinà
Oltra a ła Kinder Brioss ła Ferrero ła produze anca na varsion cu un pan de Spanja asé pì sfregołozo e co ùnjoło strato de infarsidùra:
- Ferrero Brioss, co repièn a ła confetura de armełini o sarieze[6] (in produsion da'l 1961)[4][7].
- Ferrero Yogo Brioss, co repièn a'l yogurt.
- Ferrero Brioss Cacao Magro e Cereali, co repièn al cacao.
- Ferrero Brioss Cacao e Agrumi, co infarsidura al cacao e agrumi.
Kinder Pan e Cioc
[canbia | canbia el còdaxe]Sìmiłe al Kinder Brioss, el Kinder Pan e Cioc el ze rivestìo da dei cuadradini maron al ciocołato, par dar l'efeto scachièra, e a l'interno de l'inpasto A ze prezenti de łe giòse de ciocołato.
Łinea Fresco
[canbia | canbia el còdaxe]
Ła Łinea Fresco ła ze conponesta da marendine dolsi da consarvar in giasèra e consumar in tenpi rełativamente curti a cauza de ła revi a cauza del cołamento. 'Sta łinea ła conprende:
- Kinder Fetta al Latte (1991)
- Kinder Pinguì (1993)
- Kinder Paradiso (1994)
- Kinder Merendero (2002)
- Kinder Choco Fresh (2004)
- Kinder Maxi King (2006)
Kinder Cards
[canbia | canbia el còdaxe]A se trata de un partegołar biscòto a dopia cialda, de cui una a baze una de cacao, co na crema al łate e cacao comersiałizà da'l 2017. A l'interno de ła confesion A ze posìbiłe catar un còdeze par aceder a ła fàbrega de ciocołato Kinder.
Tradision
[canbia | canbia el còdaxe]Sołitamente i màsemi i vołumi de vendita de sta łinea de prodoti i se reałiza inte i parìodi de festività cuałi Pascua e Nadałe.
Durando el parìodo de Pascua vien produzesti vovi de ciocołato de varie dimension, so'l modeło da'l séłebre voveto Kinder Sorpresa.
Inte'l parìodo nadałisio ła Ferrero ła ze uza reałizar i prodoti clàseghi in spesiałe confesion decorative par l'àlbaro de Nadałe.
Edision łimitae
[canbia | canbia el còdaxe]Inte ła cołesion de prodoti Kinder no manca łe edision łimitae, prodoti sołitamente multifunsionałi. Drìoman A ze ełencada ła łista:
- Cioccolibri: Łibri par putełi de ła cołana Il battello a vapore ałegài a na confesion de Kinder Cioccolato da 16 tòchi. Ła ze na idea nasesta par spontonar l'atività de ła łetura inte i putèłi.
- Kinder Friends: Rancura de Kinder Bueno, Kinder Cioccolato, Kinder Cereali e Kinder Schoko Bons in una picoła scatołina de carton, soto forma de picołi snack. Ghe n'è anca na varsion reduta.
- Mezzo metro Kinder: Tre confesion de Kinder Cioccolato da 8 barete l'una ponesta łongitudinalmente, confesionàe a so volta in una inbaładura che ga ła funsion de rigaróła.
- Kinder Bueno Dark
Cartoni
[canbia | canbia el còdaxe]Kinder e Ferrero Multimedia Production
[canbia | canbia el còdaxe]I Cartoni di Kinder e Ferrero o i Ferrero Cartoon i ze na serie dei film anemài, dei mediometragi inte'l spesìfego, zviłupài da ła Ferrero S.p.A. e sponsorizài da ła stesa da'l 2001 a'l 2008.
I vien publegài, prima uno, po' do, par onjiano traverso łe marandine Kinder, in tuto ghe ze dieze cartoni. A cuesti se ghe zonta anca un DVD contenjente alguni epixodi de ła serie tełeviziva anemada Mostri e pirati, intitołà Mostri & Pirati - L'avventura.
I primi 6 film i venjea distribuìi so VHS, po' drioman anca in CD-ROM (inpropiamente ciamài Video CD, ma tutavia A se tratava de CD-ROM a tuti i efeti da'l momento che a l'interno ghe gera un player apozito reałizà traverso Macromedia Director par ła vizuałizasion de'l film so'l computer) e drioman in DVD. Senpre inte łe confesion de marendine, par publisizarne i prodoti, zera stài distribuìi anca dei advergames par PC, dei gadget e de łe statuete in plàstega reproduzenti i parsonazi dei film, sołitamente aventi caratèristeghe úneghe (ad ezenpio, i canbiava cołor se łi se meteva in frigo, i se iłuminava a'l scuro, i rodava su sé stessi se visinài tra de łori e sìmiłi).
So'l sito ofisiałe A ze stà creà n'altro video anemà da'l titoło I Nut-Nut e il segreto della Nutella, publegà inte'l Nadałe 2006, co'l fin de sponsorizar aponto ła famoza crema de noziołe e cacao.
No ze da considarar ofisiałi inte ła serie Aida degli alberi e Totò Sapore e la magica storia della pizza (łongometragi de animasion za distribuìi a'l sinema), e el primo epizodio de ła stazon bonus de Monster Allergy (serie tełeviziva de ła Rainbow), siben st'altri i sia stài anca łori fortemente sponsorizài da ła Ferrero co film, gadget e putinòti.
I film
[canbia | canbia el còdaxe]| Titoło | Ano | Sojeto | Senejador | Muxicante | Produtor ezecutivo |
Rezista | Studio de produsion |
|---|---|---|---|---|---|---|---|
| I Magotti e la pentola magica | 2001 | Roberto Piumini | Bianca Pitzorno | Daniele Cestana | Roberto Buttafarro Silvio Pautasso |
Anthony LaMolinara Giorgio Valentini Silvio Pautasso |
Harold S.p.A. Motus S.r.l. |
| I Lunes e la sfera di Lasifer | 2002 | Marcello Vitanza | Mauro Pagani | Giorgio Valentini Silvio Pautasso | |||
| I Magicanti e i 3 elementi | 2003 | ||||||
| I Roteò e la magia dello specchio | 2004 | Giancarlo Di Giovine | Angelo Poggi Giovanni Cera |
Marco Marcolini | Alessandro Belli | The Animation Band | |
| Gli Animotosi nella terra di Nondove | 2005 | Filippo Fiocchi | Filippo Fiocchi | ||||
| I Lampaclima e l'isola misteriosa | 2006 | Roberto Piumini | Gianluca Bellomo | Maurizio Forestieri | Cartoon One | ||
| Gli Skatenini e le dune dorate | 2007 | Filippo Fiocchi | |||||
| Gli Smile and Go! e il braciere bifuoco | Pietro Bezza Cristina Fiumara |
Magnolia Neo Network | |||||
| La Pallastrike sull'Isola di Pasqua | 2008 | ||||||
| Gli Straspeed a Crazy World | Filippo Fiocchi Matteo Valenti |
Serie TV
[canbia | canbia el còdaxe]- Mostri e pirati (2008)
Magic Kinder
[canbia | canbia el còdaxe]Ezisteva po' sincue mediometragi distribuìi escluzivamente inte łe confesion spesiałe dei Kinder Sorpresa, ati a sponsorizar algune de łe sorpreze distribuìe inte i stesi voveti de ciocołato. A difarensa dei cartoni Kinder e Ferrero alguni de st'altri i ze stà distribuìi anca fora da l'Itałia.
I film
[canbia | canbia el còdaxe]| Titoło | Ano | Sojeto | Senejador | Muzegante | Produtor executivo |
Rezista | Studio de produsion |
|---|---|---|---|---|---|---|---|
| I Cavallegri | 2004 | — | David Frati Luca Boschi |
Roberto Frattini | Graziano Maria Sforza | Maurizio Forestieri | Magic Production Group S.A. Urbis Films |
| Monster Hotel | 2005 | François Corteggiani | François Corteggiani Michel Fuzellier |
Franco Serra Fulvia Serra |
Michel Fuzellier | Magic Production Group S.A. Gertie S.r.l. | |
| Magic Sport - Il calcio magnetico |
Dario Colombo | Marco Beretta Maurizio Forestieri |
Graziano Maria Sforza | Maurizio Forestieri | Magic Production Group S.A. Urbis Films Mondo TV | ||
| Magic Lessons | 2006 | François Corteggiani | François Corteggiani Michel Fuzellier |
Patrizio Fariselli | Franco Serra | Michel Fuzellier | Magic Production Group S.A. Gertie S.r.l. |
| Magic Sport 2 | 2007 | — | Luca Blengino Francesco Artibani |
Roberto Frattini | — | Maurizio Forestieri | Magic Production Group S.A. Mondo TV |
Notasion
[canbia | canbia el còdaxe]- ↑ La storia di Kinder®kinder.com. entrada il 25 gennaio 2019.
- ↑ Kinder: 50 anni di storia italianavanityfair.it. entrada il 25 gennaio 2019.
- ↑ È morto William Salice, il papà dell'Ovetto Kinder - Cronaca, in ANSA.it, 30 dicembre 2016. entrada il 25 gennaio 2019.
- ↑ 4,0 4,1 Le Merendine dolci degli anni '60 e '70Anima mia: la nostra memoria bambina. entrada il 26 zugno 2017.
- ↑ Prodotti Ferrero (PDF)www.storiaindustria.it. entrada il 25 gennaio 2019.
- ↑ Kinder Briossferrero.it. entrada il 25 gennaio 2019.
- ↑ Anni '60-'70ferrero.it. entrada il 4 aprile 2019.
Voxe corełade
[canbia | canbia el còdaxe]Altri projeti
[canbia | canbia el còdaxe]
el detien schemi gràfeghi so
Linganbi foresti
[canbia | canbia el còdaxe]- (inglezo) Sito ufisałekinder.com. Sconosesta: inglezo (juto)
