بحیرہ شمال
بحیرہ شمال (تاریخی نام: بحر جرمن، انگریزی: North Sea) بحر اوقیانوس کا ایک حصہ ہے جو مشرق میں ناروے اور ڈنمارک، مغرب میں اسکاچستان اور انگلستان اور جنوب میں جرمنی، نیدرلینڈز، بیلجیئم اور فرانس کے درمیان ہے۔ بحیرہ شمال جنوب میں آبنائے ڈوور اور رودباد انگلستان کے ذریعے اور شمال میں بحیرہ ناروے کے ذریعے بحر اوقیانوس سے منسلک ہے۔
بحیرہ شمال میں گرنے والے اہم دریاؤں میں دریائے فورتھ، دریائے ایلب، دریائے ویزر، دریائے ایمس، دریائے رائن، دریائے میوس، دریائے شیلٹ، دریائے ٹیمز اور دریائے ہمبر شامل ہیں۔ دنیا کی مصروف ترین مصنوعی آبی گذرگاہوں میں سے ایک "نہر کائل" بحیرہ شمال کو بحیرہ بالٹک سے منسلک کرتی ہے۔
تاریخ میں یہ سمندر “مارے گرمنکم” یعنی بحر جرمن یا بحیرہ جرمن کے نام سے جانا جاتا تھا۔ یہ نام انگریزی اور دیگر زبانوں میں رائج تھا اور 18 ویں صدی تک بحیرہ شمال کے ساتھ ساتھ استعمال کیا جاتا تھا۔ 19 ویں صدی کے اواخر میں بحیرہ جرمن کا استعمال جرمنی میں بھی بہت قلیل پیمانے پر رہ گیا۔ ڈینش زبان میں بحیرہ شمال کو ویسٹر ہاویٹ بھی کہا جاتا ہے جس کا مطب بحر مغرب ہے کیونکہ یہ ڈنمارک کے مغرب میں واقع ہے۔ ڈینش زبان میں بحیرہ شمال کو نوردسوں بھی کہا جاتا ہے۔
 |
ویکی ذخائر پر بحیرہ شمال سے متعلق سمعی و بصری مواد ملاحظہ کریں۔ |