Badaya
Badaya nyaéta babagian tina komposisi karawitan pikeun mirig pagelaran wayang golék, utamana bagian topéng badaya.[1] Anu dimaksud topéng badaya nyaéta wayang husus minangka penari topéng awéwé, pikeun ngahibur raja, sanggeus jeung saacan dalang beres murwa.[1] Ki dalang biasana méré panganteur kawas kecap - kecap : éh...... aladria batur, topéng wadon jatiswara![1] Kiwari pagelaran topéng dina wayang jarang dipintonkeun, gagantina juru sekar kawih atawa tukang nyindén sabebasna.[1] Dina kamékaranna badaya dipaké dina tari rampak puteri, salaku tanda hormat ka tatamu nu disebut tari badaya.[1]