1362 – Banjir Saint Marcellus nelasan 25.000 jalma di sabudeureun basisir Laut Kalér.
1595 – Nalika Perang Agama Perancis, Henry IV ti Perancis nyatakeun perang ka Spanyol.
1608 – Raja Susenyos I ti Éthiopia ngalakukeun serangan dadakan ka Kaum Oromo di Ebenat; pasukanna kabejakaun nelasan 12.000 urang Oromo minangka gantina, 400 jalma tiwas ti pihakna.
1773 – Kaptén James Cook maréntahkeun ékspédisi kahijina pikeun balayar ka sabudeuren bunderan Antartika.
1781 – Perang Révolusioner Amérika: Patempuran Kandang Sapi: Pasukan Kontinéntal dina pingpinan Brigadir Jéndral Daniel Morgan ngéléhkeun pasukan Inggris pingpinan Kolonél Banastre Tarleton dina patempuran di South Carolina.
1920 – Larangan inuman alkohol (prohibition) dimimitian di Amérika Sarikat ku lumakuna Akte Volstead.
1929 – Popeye the Sailor Man, hiji karakter kartun beunang E. C. Segar, munggaran kaluar dina buku komik Thimble Theatre.
1944 – Perang Dunia II: Pasukan Sakutu mesatkeun serangan kahiji tina opat serangan ka Monte Cassino nu niatna nembus Garis Winter sarta ngarebut Roma, hiji usaha nu antukna méakkeun waktu opat bulan sarta ngahakan 105.000 korban jiwa ti pihak Sakutu.
1945 – Perang Dunia II: Serangan Vistula–Oder maksa pasukan Jérman ninggalkeun Warsawa.
1945 – Diplomat Swédia, Raoul Wallenberg ditahan ku Soviét nalika keur di Hongaria; ti saprak harita, manéhna teu kungsi katempo deui.
1950 – Parampogan Great Brink: Salapan garong maling leuwih ti $2 juta ti hiji pausahaan mobil lapis waja di Boston.
1950 – Résolusi 79 Déwan Kaamanan PBB nu patula patali jeung pangwatesan sanjata diadopsi.
1961 – Manten PM Kongo, Patrice Lumumba ditelasan dina hiji kaayaan nu nunjukkeun pipilueunna pamaréntah Bélgia jeung Amérika Sarikat.
1966 – Kacilakaan Palomares: Pasawat pangebom B-52 diadu jeung pasawat KC-135 Stratotanker di saluhureun Spanyol, nelasan tujuh pangangkasa jeung muragkeun tilu bom nuklir 70 kiloton di deukeut Kota Palomares sarta hiji deui di laut.
1969 – Anggota Partéy Kumbang Hideung (Black Panther), Bunchy Carter jeung John Huggins ditelasan dina hiji pasamoan di Balé Campbell di Kampus UCLA.
1992 – Wanci nyaba ka Koréa Kidul, PM Jepang Kiichi Miyazawa tamada alatan pamaksaan ka awéwé Koréa pikeun jadi budak séks nalika Perang Dunia II.
1994 – Lini 6,7 Mw Northridge ngendag-ngendag Aréa Los Angeles, ngakibatkeun 57 jalma palastra sarta 8.700 lianna cidera.
1995 – Lini 6,7 Mw Great Hanshin ngoyagkeun bagéan kidul Préféktur Hyōgo, ngakibatkeun 5.502 - 6.434 jalma palasta sarta 251.301 - 310.000 lianna ngarungsi.
1998 – Skandal Lewinsky: Matt Drudge medar carita pasalingkuhan Bill Clinton–Monica Lewinsky dina situsna, Drudge Report.
