Rapa Nui

Artìculu in LSC

Mapa de s'ìsula

Bandera

Esempros de Moais, sos monumentos prus famados de s'ìsula

S'ìsula de Rapa Nui (fintzas ìsula de Pasca) est un'ìsula chi s'agatat in s'otzèanu Patzificu sud-orientale chi pertenet a su Cile. S'ìsula tenet istèrrida de 163,6 km cuadrados e contat unos 6.600 bividores. Su cabulogu est Hanga Roa.

Istoria

S'ìsula de Rapa Nui fiat populada segundu sos istùdios prus reghentes in s'800 p.C. dae gentes chi aproliant dae sa Polinèsia e da sa Polinèsia frantzesa, in particulare dae Tahiti. A primìtziu conchistada dae sos Olandesos e a pustis dae sos ispagnolos, fiat unida a su Cile su 9 de cabudanni de su 1888 dae Policarpo Toro pro mèdiu de su "Tratadu de Annessione de s'ìsula" (Tratado de Anexión de la isla). Toro, chi rapresentaiat su guvernu de Cile, aiat firmadu impare a Atamu Tekena, desinniadu "Re" dae sos missionàrios catòlicos a pustis chi su cabu supremu e s'erèntzia sua fiant mortos. Sa balidesa de custu tratadu est galu perricada dae unos bividores indìgenos. Ufitzialmente, su Cile aiat achiridu su masone de arbeghes Mason-Brader (chi ammuntaiat manna parte de s'ìsula), e cunsistiat de sas terras achiridas dae s'erèntzia de bividores Rapanui mortos durante sas epidemias intradas dae sos europeos. Su Cile aiat a pustis pretèndidu soberania subra totu s'isula.