Balin
| Wappe | Daitschlandkard | |
|---|---|---|
|
| |
| Basisdate | ||
| Bunnesland: | Balin | |
| Heche: | 34-122 m ü. NHN | |
| Fleche: | 891 km² | |
| Aiwohner: | 3.520.031 (31. Dez 2015) | |
| Bevelkerungsdicht: | 3951 Eiwohner je km² | |
| Boschtläätzahle: | 10115-14199 | |
| Voawahl: | 030 | |
| Kfz-Kennzääche: | B | |
| LOCODE: | DE BE | |
| Stadtgliderig: | 96 Stadtdääle 12 Schdaddbeziag | |
| Adress vun de Stadtvawaltung: |
Rathausstraße 15 10178 Balin | |
| Websait: | ||
| Owabirchamääschta: | Michael Müller (SPD) | |
| Di Laach vun Balin | ||
 | ||
Balin is die Hauptschdadt vun de Bundesrepublik Deitschland unn glaischzaidisch en aischenes Bunnäslond. Balin hat mit u'gfär 3.500.000 Lait die greescht Inwohnerzahl und mit 891,85 km² die greescht Fläch vun alle Schdädt in Deitschland und is no London die zwettgreescht Schdadt vun de Europäische Union. Balin is e wichtiches polidisches Zentrum vun de EU un weesche de kulturelle Sache enni vun de Schdädt in Europa, wo am meischde Turischde hifahre.
Die Schdadt is e wichdicher Verkehrsknodepunkt un enns vun Deitschlands wichtischde Zentre fer Wertschaft, Kuldur un Bildung. Viele Inrichdunge wie die Universidäd, Theader, Musee, oder aa Feschdivels, es Nachtleebe und die Arschidektur sin bekannt uff de ganz Welt un hän e guder Ruf.
Die Schdadt hot ihrn Naame vum slawische Word berl, was uff Pälzisch Sumbf heeßt. De regierende Birgamaischda vun Balin iss Michael Müller vun de SPD.
Geographie
[Schaffe | Om Gwelltegschd schaffe]Die genaue geografisch Laach vumm Berliner Rohthaus: 52°31'6' ' nördlischieh Brääd unn 13°24'30' ' öschdlischieh Läng. Die grehschd Ausdehnung in Oschd-Weschd-Rischdung is uhgfehr 45 km unn in Nord-Sihd-Rischdung uhgfehr 38 km. Berlin is gonz vum Bundeslond Brondebursch umgewwe unn lischd im Oschde vun Deitschlond, ca. 70 km weschdlisch zu de Grenz vun Pole. Die Stadt is ännie vun de Verdischdungsreim in Deitschlond.
's hisdorische Zentrum vun Berlin lischd in de schmaalschde unn dodemomit on de verkehrsgünschdigschde Stell vum Urstromtal, des vun de Spree in Oschd-Weschd-Rischdung durschflosse werd. Im weschdlische Bezirk Spandau mündet d' Spree in d' Havel, wo de Weschde vun Berlin in Nord-Weschd-Rischdung. De Flusslaaf vun de Havel, eigntlich e Glaziali Rinn, ähnelt dodebei oft ennre Seelondschaft, die Greeschde Ausbuchtunge sinn de Tegeler See unn de Große Wannsee.
Klima
[Schaffe | Om Gwelltegschd schaffe]D' Stadt bfinnt sich inn ennre gemäßichte Klimazoon. Die durschnittlich Johrestempratur in Berlin-Dahlem is 8,9 °C unn die mittler jährlich Niederschlaachsmeng is 581 mm. Die wärmschde Monade sinn Juli unn Auguschd mit durchschnittlich 18,5 bzw. 17,7 °C unn die käldschde sinn Januar unn Februar mit -0,6 bzw. -0,3 °C. De meischde Niederschlaach fallt im Juli: 70 mm unn de wennigschde im März: 31 mm.
Commons: Berlin — Waitere Mulitimediadataie zum Artikel