Sausset dei Pins
|
Sausset dei Pins
Sausset-les-Pins | ||
|---|---|---|
 | ||
| ||
| ||
| Geografia fisica | ||
| ||
| Coordenadas | 43° 20′ 00″ N, 5° 06′ 53″ E | |
| Superfícia | 12,1 km² | |
| Altituds · Maximala · Minimala |
176 m 0 m | |
| Geografia politica | ||
| Region istorica |  Provença | |
| Estat | França | |
| Region 93 |
Provença Aups e Còsta d'Azur  | |
| Departament 13 |
Bocas de Ròse  | |
| Arrondiment | Istre | |
| Canton | Castelnòu-Còsta Blu | |
| Intercom 241300391 |
Marseille Provence Métropole | |
| Cònsol | Éric Diard (second mandat) (2008-2014) | |
| Geografia umana | ||
| Populacion Populacion totala (2013) |
7 655 ab.  7 792 ab. | |
| Densitat | 632,64 ab./km² | |
| Autras informacions | ||
| Gentilici | Saussetois (en francés) | |
| Còde postal | 13960 | |
| Còde INSEE | 13104 | |
| http://www.ville-sausset-les-pins.fr | ||
.svg)
Sausset dei Pins (Sausset-les-Pins en francés) es una comuna provençala, situada dins lo departament dei Bocas de Ròse e la region de Provença-Aups-Còsta d'Azur. Creada en 1924 a partir dei quartiers oèst de Carri lo Roet, es una estacion balneària e una zòna de residéncia periurbana entre lei vilas de l'Estanh de Bèrra e Marselha.
Geografia
[modificar | Modificar lo còdi]Sausset dei Pins se situa sus lo pendís meridionau de la cadena de l'Estaca entre Lo Martegue au nord-oèst, la Mar Mediterranèa au sud, Marselha a l'èst e l'Estanh de Bèrra au nòrd. S'estend sus un plan litorau mai ò mens estrech e sus lei còlas vesinas. Avans lo sègle XX, l'endrech èra palunós mai lo desvolopament de la region a permés d'assecar la màger part dei zònas umidas. Lo clima es de tipe mediterranèu amb d'ivèrns doç e d'estius cauds e eissuchs. Es influenciat per lo magistrau que bofa regularament dempuei lo nòrd-oèst. La vegetacion dominanta es la garriga e la pineda.
Istòria
[modificar | Modificar lo còdi]L'istòria anciana dau territòri de Sausset es mau coneguda. Après l'Edat Mejana, es mencionat coma un quartier de Carri. Fins au sègle XIX, l'endrech sembla pauc poblat e isolat amb un abitat reduch centrat sus lo pòrt actuau. La pesca e l'agricultura (vinha, olivier, cabras...) i èran leis activitats principalas. L'emergéncia de la vila actuala comencèt vèrs 1850-1860 amb la construccion dei premierei bastidas. Jules Charles-Roux (1841-1918), un important industriau marselhés aguèt un ròtle major dins aquela evolucion amb la construccion dau « castèu de Sausset ». En 1868, financèt tanben una partida dei trabalhs d'agrandiment dau pòrt.
Gràcias a aquela modernizacion, la pesca conoguèt un desvolopament important. Puei, en 1915, la dubertura de la linha de camin de fèrre de la Còsta Blava entre Marselha e lo Pòrt de Boc permetèt de desenclavar lo vilatge. Sausset venguèt ansin una comuna independenta de Carri en 1924. Dos ans pus tard, 326 abitants i èran recensats.
Amb lo declin progressiu de la pesca, lo vilatge s'orientèt pauc a pauc vèrs lo torisme per venir una pichon estacion balneària. Aquò favorizèt una lenta creissença de la demografia qu'agantèt 512 estatjants en 1946 e 1 066 en 1968. Puei, dins lo corrent deis ans 1970, l'amainatjament de la zòna industriala de Fòs e l'aparicion dau fenomèn periurban entraïnèt una aumentacion pus fòrta de la populacion amb la creacion de mai d'un quartier residenciau lòng dau litorau e dins lei còlas. Aquela creissença durèt fins ais ans 2000 e menèt la populacion a mai de 7 000 abitants en 1999.
Cultura
[modificar | Modificar lo còdi]En causa de sa formacion recenta, la vila de Sausset dei Pins a un patrimòni culturau relativament reduch. Pasmens, se pòu citar lo castèu Charles-Roux, bastit en 1855, e la capèla Sant-Pèire, bastida en 1861, coma monuments de remarca.
Bibliografia
[modificar | Modificar lo còdi]Liames intèrnes
[modificar | Modificar lo còdi]Personalitats liadas amb la comuna
[modificar | Modificar lo còdi]Bibliografia
[modificar | Modificar lo còdi]Nòtas e referéncias
[modificar | Modificar lo còdi]
.svg){kind=small}