Mitsubishi A6M
Lo Mitsubishi A6M ò zèro es un caçaire bombardier japonés leugier e embarcat utilizat per la marina militara japonesa de 1940 a 1945. Concebut dins leis ans 1930 per remplaçar lo Mitsubishi A5M, èra un avion fòrça rapide e manejable gràcias a un blindatge limitat. Pasmens, gardèt un armament relativament poderós amb dos canons de 20 mm e doas mitralhièras de 7,7 mm.
Dominèt inicialament seis adversaris estatsunidencs, coma lo F4F Wildcat, gràcias a sa manejabilitat. Pasmens, rapidament, leis Estatsunidencs s'adaptèron e desvolopèron de tacticas collectivas permetent de se protegir tot en atacant leis A6M que dispausavan pas d'un blindatge eficaç. Divèrsei versions foguèron concebudas per reglar aqueu problema mai lo zèro demorèt un caçaire leugier pauc protegit. Foguèron ansin desvolopats d'avions pus pesucs coma lo Kawanishi N1K1-J e lo Nakajima Ki-84. Pasmens, 10 939 zèros foguèron fabricats durant lo conflicte e l'avion participèt a la màger part dei batalhas importantas dau teatre pacific.