Commòde
|
Commòde
| |
|---|---|
 | |
| Pèça de moneda dau rèine de Commòde | |
| Biografia | |
| Naissença | 31 d'aost 161 |
| Decès | 31 de decembre 192 |
| País: | Empèri roman |
| Epòca: | Antiquitat |
| Règne: | 180 a 192 |
| Davancièr: | Marc Aurèli |
| Successor: | Pertinax |
Commòde (31 d'aost de 161, Lanuvium - 31 de decembre de 192, Roma) foguèt un emperaire roman de la dinastia antonina dau 18 de març de 180 a sa mòrt. Succediguèt a son paire Marc Aurèli e foguèt remplaçat per Pertinax. Coma Caligula, Neron o Domician, tèn l'imatge d'un tiran sanguinari e foguèt parcialament condamnat au damnatio memoriae.
Rèine
[modificar | Modificar lo còdi]
Son rèine foguèt marcat per la fin dei guèrras còntra lo pòble dei Marcomans que deguèron pagar un tribut regular ai Romans e per una politica de despensas importantas au profiech de la plèba. Aital, demorèt fòrça popular fins a sa mòrt dins l'armada o lei classas popularas de Roma. En revènge, sa maufisança e sa crenhença dei complòts entraïnèron una politica de repression de l'aristocràcia, dei captaus de l'Empèri e dau Senat. De 185 a 192, una tièra de temptativas d'assassinats mancadas agravèron aquela situacion fins a l'assassinat de l'emperaire per un de seis esclaus.