Caussinuòjols

Vilatge d'Occitània

Caussinuòjols
Caussiniojouls

La glèisa de Sant Estève

Armas

Geografia fisica

Coordenadas

43° 33′ 08″ N, 3° 09′ 11″ E

Superfícia

10,5 km²

Altituds
· Maximala
· Mejana
· Minimala

547 m
310 m
178 m

Geografia politica

Lengadòc

França

Càsols (Murvièlh abans 2015)

Intercom
243400512

CC dels Avant Monts

Cònsol

Thierry Roque
(2020-2026)

Geografia umana

Populacion
Populacion totala
(2018)

141 ab.

Evolucion de la populacion

142 ab.

Densitat

11,9 ab./km²

Autras informacions

Gentilici

caussinuojolés -esa
caussiniojoulais -aise^[1]

Còde postal

34600

Còde INSEE

34062

Caussinuòjols^[1]^[2] (pron . Caussinhòchas)^[1] (Caussiniojouls en francés) es una comuna lengadociana situada dins lo departament d'Erau e la region d'Occitània, ancianament de Lengadòc-Rosselhon.

Lo gentilici es caussinuojolés -esa (fr caussiniojoulais -aise)^[1].

Geografia

Toponimia

La prononciacion es [kαusin'jòžus]. Las fòrmas ancianas son : Caveinogulo cum ipsa ecclesia en 966 (grafia corrompuda e identificacion malsegura), Caucenogilo en 978, domino de Cauginiogolo en 1110, Bernardus de Caucionoiolo en 1177, terminium Caucionojoh (sic) en 1199, Caussanafolio en 1271, de Caussanuejolis en 1344, domus de Caucionojolis en 1351, de Cossaneujols en 1529, de Causseniojolis al sègle XVI, Caulʃigouloux ? en 1622, de Causseniojolis en 1636, Causiniogouls en 1643, Caussiniojouls en 1708, 1740-60, 1770-72 (mapa de Cassini)^[3].

Segon Dauzat, Caussinuòjols ven del nom latin d'òme Calicius e del sufixe -inum, donc *Calicinum, amb lo mot gallic -ialo, « clar, clarièra, esclairada, esclairòl » ^[4]; segon Hamlin, Caussinuòjols ven d'un tèrme oronimic preindoeuropèu *cal-seno-, o, pas tan probablament, del latin *calcino, amb lo gallic -ialo, « clarièra, espaci descobèrt » ^[3]. La vocalizacion de -l al sègle X seriá estranha. Segon Joan Pèire Chambon, las fòrmas medievalas mai ancianas supausan una africada e justifican una solucion, *CALCINÓIALU, format sus *CALCINU^[5].

Fòrmas ancianas tiradas del diccionari ortografic d'Eugène Thomas - Caguciachum en 804; Caucinogulo en 966; Villa de Caucionoiolo en 1142; De Cancionojolo en 1177; De Cauciniogolo en 1184; Caucionojoh en 1199; Cossaneujols en 1529; Caussignojouls en 1625; Caussigniojoulx en 1649; Caussiniojouls en 1691^[6].