Vladimir Putin

Vladimir Putin
Fødd	Владимир Владимирович Путин, Vladimir Vladimirovitsj Putin 7. oktober 1952 (72 år) V.F. Snegirjov kvinneklinikk nr. 6, St. Petersburg, Leningrad
Statsborgar av	Russland
Parti	Sovjetunionens kommunistiske parti
Yrke	politikar, judoka, stuntmann, efterretningsagent, republikkens president
Institusjonar	Presidentadministrasjonen i Russland Administrative Directorate of the President of the Russian Federation Perwoje glawnoje uprawlenije KGB
Utdanna ved	FSB-akademiet juridisk fakultet, Statsuniversitetet i St. Petersburg Akademiet for den russiske utenriksetterretningstjenesten School 193 School 281 St. Petersburg gruveuniversitet Statsuniversitetet i St. Petersburg Sankt-Peterburgskij institut FSB Rossii
Mor	Marija Ivanova Putina
Far	Vladimir Spiridonovitsj Putin
Ektefelle	Ljudmila Putina
Sambuar	Alina Kabajeva
Barn	Jekaterina Tikhonova, Marija Putina, Elizaveta Rozova, Ivan Putin, Vladimir Putin Jr.
Medlem	Den allrussiske folkefronten Ozero Det russiske kunstakademiet
Verv	President i Russland 1999-2008
Føregangar	Boris Jeltsin
Etterfylgjar	Dmitrij Medvedev
Verv	President i Russland 2012-
Føregangar	Dmitrij Medvedev
Verv	Statsminister i Russland 1999-2000
Føregangar	Sergej Stepasjin
Etterfylgjar	Mikhail Kasianov
Verv	Statsminister i Russland 20082012
Føregangar	Viktor Zubkov
Etterfylgjar	Dmitrij Medvedev
Alle verv	Russlands president (2012–)

Vladimir Putin (fødd 7. oktober 1952) er ein russisk politikar og president i Russland sidan 7. mai 2012. Før det var han president i Russland frå 31. desember 1999 (fungerande president fram til 7. mai 2000) til 7. mai 2008. Før han vart president og mellom dei to presidentperiodane var han statsminister i Russland.

Bakgrunn

Putin vart fødd i Leningrad (no St. Petersburg) og studerte jus ved statsuniversitetet der. I 1975 fullførte han studiet og fekk jobb i KGB. Han var i fleire år KGB-offiser i avdelinga for utanlandsspionasje. Frå 1985 til 1990 gjorde han teneste i DDR. Frå juni 1991 til august 1996 jobba han i staben til den reformvenlege borgarmeisteren i St. Petersburg, Anatolij Sobtsjak.

Mellom 1998 og 1999 var han direktør i tryggingstenesta FSB. I august 1999 vart han statsminister under Boris Jeltsin. Då Jeltsin gjekk av 31. desember 1999 tok Putin over som fungerande president. 26. mars 2000 vann han presidentvalet.

Putin har i tida si som president hatt eit nært samarbeide med Tyskland, mellom anna som motstandar av det amerikanske åtaket på Irak.

14. mars 2004 var det presidentval i Russland, Putin vart attvald for sin andre og siste periode med meir enn 70 % av stemmene. Presidenten kan berre sitte i to periodar i Russland. Putin hadde hatt stor nok majoritet til å endre grunnlova på dette punktet, men gjorde ikkje det. I staden støtta han kandidaturet til Dmitrij Medvedev, som vart vald som etterfylgjaren hans. Medvedev utnemnde Putin til statsminister dagen etter at Putin overlet presidentposten til Medvedev.

Putin gifta seg med Ljudmila Putina 28. juli 1983. Dei har to døtrer, Jekaterina (Katja), fødd 1985 og Maria, fødd 1986 i Dresden i dåverande DDR.

I motsetnad til fleire av sine forgjengarar, trenar Putin regelmessig. Han trenar særskild judo, som han har drive med sidan ungdomstida, ikkje berre som mosjonist, men også som konkurranseutøvar. Under ei statsvitjing til Japan, vitja Putin det namngjetne Kodokan dojo, og fekk det sjette svarte beltet. (6. dan).

Bakgrunnsstoff

Commons har multimedium som gjeld: Vladimir Putin