Torgeir Knag Fylkesnes
| Torgeir Knag Fylkesnes | |||
 | |||
| Fødd | 4. juni 1975 (49 år) Tromsø kommune | ||
|---|---|---|---|
| Statsborgar av | Noreg | ||
| Parti | Sosialistisk Venstreparti | ||
| Yrke | politikar | ||
| Utdanna ved | Universitetet i Tromsø – Noregs arktiske universitet | ||
| Alle verv |
| ||
Torgeir Knag Fylkesnes (fødd 4. juni 1975) er ein norsk politikar for Sosialistisk Venstreparti (SV). Han er vaksen opp i Tromsø og er utdanna cand.philol. ved Universitetet i Tromsø, med filosofi (hovudfag), historie og sosialantropologi. Han har vore studentpolitikar for Sosialistisk Studentlag på Universitetet i Tromsø. Han var medlem av Tromsø kommunestyre 1999–2003 og leiar i Troms SV 2011–2012 og er medlem av sentralstyret i SV frå 2012. Frå 2019 er han nestleiar i SV.
Fylkesnes er gründer og medeigar i teknologi- og reklameselskapet ArcGiraff og har i tillegg arbeidd som rådgjevar i Sosialistisk Venstreparti 2002–2007 og forelesar i filosofi 2003–2008. Han var kommunikasjonsrådgjevar i Sykepleierforbundet 2007–2010 og kommunikasjonssjef i Teknologirådet 2010–2013.
Torgeir Knag Fylkesnes var vararepresentant til Stortinget 2001–2005. Sidan 2013 er han stortingsrepresentant for Troms, som førstekandidat for SV i fylket. Han sat først i Kyrkje- og utdanningskomiteen, men flytta i desember 2015 til Næringskomiteen. Frå 2017 er han første nestleiar i Næringskomiteen.
Kjelder
[endre | endre wikiteksten]- «Torgeir Knag Fylkesnes» i Store norske leksikon, snl.no.