Arsen Kotsojev

Arsen Kotsojev (15. januar 1872–4. februar 1944) er ein av grunnleggjarane av den ossetiske prosaen, som hadde stor innverknad på forminga av det moderne ossetiske språket og den funksjonelle stilen av det. Han deltok i alle dei fyrste tidsskrifta på ossetisk og var ein av dei viktigaste ossetiske utgjevarane.

Arsen Kotsojev
Verkeleg namn	Коцойты Арсен
Statsborgarskap	Det russiske imperiet, Sovjetunionen
Fødd	15. januar 1872 Gizel
Død	4. februar 1944 (72 år) Vladikavkaz
Yrke	skribent, journalist, omsetjar
Arsen Kotsojev på Commons

Det finst Kotsojev-gater i Vladikavkaz og Beslan. Nokre av verka til Kotsojev er pensum på skulen i ossetisk litteratur.

Livssoge

Kotsojev var fødd i ein fattig familie på landet (i byen Gizel, nær Vladikavkaz). I niårsalderen byrja han på den lokale skulen. Der fann han ei stor boksamling som skulle tilføra utdanninga hans mykje. Etter skulen studerte Kotsojev på Ardon ortodokse seminar. Ein plutseleg sjukdom fekk den unge mannen til å forlate seminaret. Han vende attende til landsbyen og byrja å skrive korte noveller for aviser i Nord-Kaukasus. Han jobba òg som lærar ved den lokale skulen.

I 1902 tok Kotsojev del i ein oppreist i Gizel; det førte til at han blei bortvist frå regionen. Han valde å reise mot sør, til Sør-Ossetia, der han heldt fram som lærar og med å skrive korte noveller og forteljingar.

I 1910 byrja han å publisere eit magasin kalla Æфсир (Æfsir, 'Kveiteaks'). Magasinet kom berre ut i 14 nummer, men det hadde enorm innverknad på den ossetiske litteraturen og journalistikken. Mange meisterverk i ossetisk literatur var fyrst publisert i Æfsir.

I 1912 kom Kotsojev til Sankt Petersburg, der han arbeidde mange stader, inkludert i den populære Lenin-avisa Pravda. Kotsojev kunne russisk til ein viss grad, slik at han kunne lese ei russisk avis.

Etter Oktoberrevolusjonen vart Kotsojev vidkjend. Han jobba i ulike aviser og magasin, innan utdanning, etc. Han døydde i Vladikavkaz og vart gravlagd i hagen til Litteraturmuseet.

Arbeid

Dei fleste historiene til Kotsojev er tragiske. Arsen Kotsojev skreiv ein del om situasjonen til ein person frå tradisjonell kultur i den nye, Europa-orienterte verda, om lagnaden til ein person frå landet i ein større by.

Kotsojev omsette òg ein del, for eksempel omsette han fleire historier av Pusjkin til ossetisk.

Bakgrunnsstoff

• Novelle av Kotsojev "Tidleg morgon" Arkivert 2005-12-17 ved Wayback Machine. (ossetisk)
• Novelle"Mistak" Arkivert 2005-12-17 ved Wayback Machine. (ossetisk)
• Ei samling av russiske omsetjingar av historiene av Kotsojev (russisk)