Jackson Whipps Showalter
Jackson Whipps Showalter (* 4. Februar 1860 in Minerva, Kentucky; † 6. Februar 1935 in Lexington, Kentucky) weer en US-amerikaansch Schachspeler.
Showalter weer vun Berop Schoolmeester un nehm dorum blots immer in de Schoolferien an Schachturnieren deel. Hier glung hüm dat in de Loop vun sien Karriere immer weer, gegen den starksten Schachspeler ut sien Tiet to winnen, so gegen Steinitz, Maroczy, Pillsbury, Marshall, Tschigorin un Mieses.
Faken hett he Schachmeester to Tweekämpe herutfordert. Dorbi wunn he denn gegen Janowski, Albin und Whitaker.
Van 1890 bit 1892 weer he amerikaansch Meester. Anfang vun dat 20. Johrhunnert hett he bi mehrweek düern europäisch Turnieren mitspeelt. 1904 keem he in dat Meesterturnier vun Cambridge Springs up den 5. Platz (bi 16 Deelnehmers).
Van 1906 bit 1909 wunn Showalter weer de amerikaansch Meesterschap. Dornah hett he en langeren Paus inleggt. 1915 keem he aber noch mal torüch un wurr nochmals amerikaansch Meester. 1926 hett he sück aber endgültig vun den Turniersport torüchtrucken.
Sien best historsch Elo-Tall bedroog 2676. De harr he in' September 1897.
In Schachkrinken harr he den Ökelnaam De Lööw vun Kentucky, eenmal wegen sien Hoorfrisur (Löwenmähn), aber vör allen wegen sien scharp Speel.
Showalter weer verheiraadt, sien Fru Nelly weer ok en good Schachspelerin.