Корен на стапалото

Корен на стапалото
Коски од коренот на стапалото
Петна (зелен дел) и скочна коска (син дел).
Податоци
Назнаки
Латински	Tarsus, os calcaneum, os calcis
MeSH	A02.835.232.043.300.710.300
FMA	FMA:24496
[уреди на Википодатоците]

Коренот на стапалото (латински: tarsus) се состои од седум коски рапределени во два реда (заден и преден ред) и служи за поврзување на стапалото со подколеницата.

Коски во предниот ред

Во предниот ред се наоѓаат пет коски: коцкеста коска (латински: os cuboideum), чунеста коска (латински: os naviculare), а пред неа три клинести коски: медијална (латински: os cuneiforme mediale), средна (латински: os cuneiforme intermedium) и латерална (латински: os cuneiforme laterale).

Чунеста коска

Чунестата коска (латински: os naviculare) се наоѓа на медијалната страна од стапалото и се поврзува проксимално со скочната коска, дистално со трите клинести коски и странично со коцкестата коска. Осификацијата е последна кај чунестата коска и настанува до крајот на втората година кај девојчињата и почетокот на четвртата година кај момчињата.

Коцкеста коска

Коцкестата коска (латински: os cuboideum) е една од седумте коски на стапалото и е прва коска од предниот ред на коренот на стапалото, се поврзува со латералната клинеста коска и со чунестата коска.

Медијална внатрешна клинеста коска

Медијалната внатрешна клинеста коска (латински: os cuneiforme mediale) се наоѓа на медијалната страна од стапалото се поврзува со коцкестата коска, средишната клинеста коска, во долниот дел со метатарзалните коски и во горниот дел со чунестата коска.

Средна клинеста коска

Средната клинеста коска (латински: os cuneiforme intermedium) се поврзува со двете клинести коски (латерална клинеста коска и медијална клинеста коска), во долниот дел се поврзува со метатарзалните коски и во горниот ред се поврзува чунестата коска.

Лева чунеста коска (антерио- латерален поглед)

Латерална надворешна клинеста коска

Латералната надворешна клинеста коска (латински: os cuneiforme laterale) е последна коска од коските во предниот ред на коренот на стапалото, се поврзува со средната клинеста коска, во долниот дел со метатарзалните коски и во горниот дел се поврзува со чунестата коска.

Коски во задниот ред

Во задниот ред се наоѓаат две коски: скочна коска (латински: talus) и петна коска (латински: calcaneus).

Скочна коска

Скочната коска (латински: talus) ја пренесува тежината од телото на сводот од стапалото, горниот дел наликува на макара и се зглобува со долната страна од тибијата и двата глужда.

Телото на скочната коска.

Петна коска

Петната коска (латински: calcaneus) е најголема коска од коренот на стапалото, задниот слободен дел претставува петна џумка (латински: tuber calcanei) така што се припојува со Ахиловата тетива од триглавиот мускул на подколеницата.

Зглобови

Зглобовите во делот на коренот на стапалото овозможуваат поврзување на стапалото со тибијата и фибулата како и поврзување помеѓу самите коски:

• горен скоклив зглоб (латински: articulatio talocruralis) ги поврзува долните краеви од тибијата и фибулата со скочната коска;
• долен скоклив зглоб се дели на преден и заден, предниот дел ги спојува скочната коска, чунестата коска и петната коска, а задниот дел ги спојува петната коска и скочната коска. Функционираат како еден зглоб во кој се вршат комбинирани движења на стапалото: флексија, екстензија, абдукција, аддукција и циркумдукција. Другите зглобови на стапалото се рамни зглобови со минимални движења.

Галерија

• 
  Човечки нозе, петните коски (црвен дел).
• 
  Петна коска (горен поглед).
• 
  Лева петна коска.
• 
  Скочна коска (долен поглед).
• 
  Коцкеста коска.
• 
  Коски на стапалото, коренот на стапалото (виолетов дел).