Poronai
Negara Brunei Darussalam Brunei Darussalam | |||||
| |||||
| Pepeha: Mahi ngātahi ki te Atua | |||||
| Ngaringari: Allah Peliharakan Sultan | |||||
 | |||||
| Tāone matua | Bandar Seri Begawan | ||||
|---|---|---|---|---|---|
| Pae: | |||||
| Tāone nui | capital | ||||
| Reo whaimana | Reo Marei (national), Reo Ingarihi | ||||
| Kāwanatanga | |||||
| • Āhua | Tino kīngitanga | ||||
| • Sultan | Hassanal Bolkiah | ||||
| Tū wehe | |||||
| • i te Kīngitanga Kotahi | 1 Kohi-tātea 1984 | ||||
| Rahi | |||||
| • Katoa | 5,765 km² (170) 2,226 sq mi | ||||
| • Wai (%) | 8.6 | ||||
| Taupori | |||||
| • 2006 tau tata | 420,000 (177) | ||||
| • 2001 kautenui | 332,844 | ||||
| • Kiato | 65/km² (127) 168/sq mi | ||||
| GDP (PPP) | 2005 tau tata | ||||
| • Katoa | $9.009 miriona nui (138) | ||||
| • Mā ia tangata | $24,826 (26) | ||||
| HDI (2004) |  0.871 (nui) (34)
| ||||
| Moni | Ringgit (BND)
| ||||
| Wāhiwā | (UTC+8) | ||||
| Tohu ipurangi | .bn | ||||
| Tohu waea | +6731 | ||||
Ko Poronai he kīngitanga iti i tū i te tonga-huruhuru o Āhia i te uru-mā-raki o te motu nui o Borneo (koia tētahi o ngā motu nui rawa o te ao). Kei te tuakoi raki i runga iti ake o te weheruatanga o te ao nā reira he tino wera, he tino mākū hoki te huarere - kāore he wā o te tau.
E rua ngā wāhanga. Ko Bandar Seri Begawan te tino tāone.
Mātai matawhenua
[takatā | takatā pūtake]He tata ki te whā rau mano tāngata te tokomaha; e ono tekau mā rima ōrau ko te hunga Marei, tekau mā rima ōrau he Hainamana, tekau ōrau he tāngata toiwhenua, tekau ōrau he tāngata noho rāwahi nō ngā whenua maha. Ko te hinukowhatu me te kāhikowhatu ngā tino mauranga atu nō tēnei whenua - he tino hira aua rawawhenua - ka whirinaki mai te ōhanga i te rua nei mō te 90% o ngā whakautunga moni katoa. Ko Hapana, ko Korea, ko Singapore ngā tino mākete kaihoko mai mō ngā mau waiwaro nei. Nā te iti o te mahi wheketere, o ngā mahi ahuwhenua he iti te whakaparu ki te taiao i konei, nā, he iti hoki te whakamārakeraketanga ngahere nā reira kei te tū tonu te ngahere - neke atu ra i te waru tekau ōrau o te rahi whenua kua kapea tonutia e te ngahere. I konei e tū tonu ana te nuinga o ngā toenga waoku (me ngā tūmomo kīrehe o roto: neke, pea, makimaki, honuwhenua, moko, manu, he aha he aha) i Āhia.
Kāwanatanga
[takatā | takatā pūtake]
Ko te Kīngi o te whenua nei ko Hassanal Bolkiah tōna ingoa. Kāore he pāremata, kāore he kāwanatanga-ā-pōti - he kaiwhakahauhautanga mārire te tūmomo kāwanatanga. Kia whakamārire i te tokomaha kāore he tāke rauemi, tāke hokohoko rānei, i āwhina-ā-monitia hokitia te utu hinumata, maukai tūturu (arā; te raihi, hinu tao kai, paura miraka, parāoa he aha he aha, me te hiko. He pūtea moni i tuaritia ki ngā tangata whenua kia hoko whare ai, hoko motukā ai kore huamoni, ā, he pūtea moni i tukua anō hoki ki ngā tangata whenua kia tīmata i te pakihi. He mea huhua ēnei engari he āhua kino; e pēhia ana ngā rōpū tōrangapū me ngā uniana kaimahi, kāore he kōrerorero tūmatanui e pā atu ana ki ngā marau kūraruraru, i āta tirotirohia nga nūpepa, moheni, ī-mēra, me te mēra. E kāwanatia ngā hāereerenga ki rāwaho o te whenua.
Ko Mohametatanga te tino whakapono o konei, ā, i tautokotia tēnei e tētahi minitatanga, ko te Minitatanga o ngā Take Whakapono. E pēhia ana ngā whakapono atu.
Hoto ki waho
[takatā | takatā pūtake]- Kāwanatanga o Brunei Darussalam paetukutuku
- The Daily Brunei Resources blog.
 | He maramara noa iho tēnei tuhipānui. Tirohia ngā tikanga whakapai mō tēnei paetukutuku reo Māori. Māu pea e tāpiri ētahi kōrero kia tāroa ake? |
.svg)