Vìstula

Vìstola (Wisła)
La Vìstola a Cracòvia
Nasiù	Pulonia
Longhèsa	1 047 km
Portàda média	1 080 m³/s
Bacino idrografich	194 424 km²
Altèsa de la sorgènt	1 107 méter sùra 'l leèl del mar
El nas	Barania Góra
El và a finì	Lagùna de Dànsica
Mappa del fiume

La Vìstola (en polàch Wisła; en todèsch Weichsel) l'è 'n fiöm de l'Euròpa Orientàla, el piö 'mportànte de la Polònia, lónch 1.070 km, e che g'ha 'n cadì idrogràfich de 192.000 km² (presapóch i du tèrs dos de la superfìce de töta la Polònia).

El percórs de la Vìstola

El nas endèl versànt setentriunàl de la cadéna dei Carpàsi, endèi mucc Beschid Ocidentai, endèla Slesia Alta, Polònia sud-ocidentàla (a 1.220 m de altèsa söl leèl del mar), e 'l scór en diresiù èst de la font a Sandomierz (tod.: Sandomir), indoe che la ciapa l'aqua del fiumm San. De Sandomierz enfìna al pónt endoche la ciapa dét l'àiva dei fiöm Bug e Narew el scór piö o méno en diresiù nòrt. De lé 'n nacc el và prìma a òvest e pò amò nòrt prim de sbötàs endèl mar.

El se sböta endèl Golf de Dànsica, en bras del mar Bàltich, ma prìma 'l se spartés en du ram bèi gròs.

La Vìstula se pöl navigàla quàze töta co bàrcù de poch tonelàgio, e l'è 'n comünicasiù per mès de canài col Oder.

Le cità piö 'mportànte che la tóca i è Cracòvia, Varsàvia e Toruń. La cità de pórt de Dànsica la se tróa póch a òvest de 'ndóche la se sböta 'nsèl mar.

I aflüèncc principài i è 'l fiöm San (433 km), el Narew (484 km), el Bug Ocidental (772 km) e 'l Brda (238 km).

Cità streersàde

• Cracòvia
• Tarnobrzeg
• Sandomierz
• Varsàvia (pol.: Warszawa; tod.: Warschau)
• Płock (tod.: Plotzk)
• Włocławek (tod.: Leslau)
• Toruń
• Bydgoszcz (tod.: Bromberg)
• Grudziądz (tod.: Graudenz)
• Malbork (tod.: Marienburg)
• Dànsica (pol.: Gdańsk; casciub: Gduńsk; tod.: Danzig)

Galerìa de foto

• 
  De le bànde de la sorgènt
• 
  'Nvers Skoczów
• 
• 
  L'abasìa de Tyniec
• 
  El castèl de Cracovia
• 
• 
  Un put de Varsàvia
• 
  Kazimierz Dolny
• 
  Toruń
• 
  'Nvers Tczew
• 
  De le bànde de la sbocadüra
• 
  Dànsica