Filmediteur
E Filmediteur, och nach Monteur genannt, ass déi Persoun, déi an der Produktioun vu Filmer fir de Schnëtt verantwortlech ass. Si stellt déi gedréint Astellunge vum Film (mat senge Biller/Zeenen a Sequenzen) duerch den entspriechende Schnëtt an eng dramaturgesch korrekt Reiefolleg an an e rhythmesch passenden Zäitlaf.
Haut gëtt e Film an der Reegel integral um Computer montéiert. Fréier, wéi nach mat Zelluloidbobinne geschafft gouf, déi auserneegeschnidden- an nees uneneegepecht hu misse ginn, housch dee Beruff Cutter.