Annus

Annus (-i, m.) est spatium temporis quo planeta circum stellam a puncto quodam ad idem punctum errans movetur. Vocabulum annus spatium temporis apud nostrum orbem terrarum persaepe significat, sed omnes planetae proprium annum habent. Exempli gratia, annus Martius est spatium temporis quo planeta Mars circum solem movetur.

Variae definitiones anni terrestri

Spatium anni distinctas definitiones et historicas et scientificas habet, potissimum quoniam per tempus axis Telluris praecedit et nutat, ut punctum aequinoctiale anno omni correspondat distincto puncto in gyro terrestri circum solem. Etiam Tellus punctum in spatio exactum numquam reddit perfectiter, quod ob aliorum planetarum tractatum gyrum suum circum solem non est ellipsis perfecta. Deinde est distinctio inter annum sideralem et solarem.

Annus sideralis

Annus Sideralis, qui aequat 365.256 363 051 dies (365 d 6 h 9 min 9 s) anno 2000, est tempus quo Tellus ad punctum indenticum versus stellas distantes reddenda est.

Annus Gaussianus

Annus Gaussianus, 365.256 898 3 dies (365 d., 6 h., 9 min., 56 s.) longus, ille annus sideralis est, quem Tellus identidem compleret, si nulli alii planetae systemati solari inessent orbitaeque forma ellipsis perfecta foret.

Annus tropicus

Annus Tropicus, 365.242 189 67 dies (365 d., 5 h., 48 min., 45 s.) anno 2000 longus, tempus medium est, quo Telluris aequator planum eclipticum transeat. Utile est, quod inter tempestates terrestres tempori respondeat.

Annus Iulianus

Annus Iulianus est constans utilis in arte astronomiae, littera "a" denotatus, qui 365.25 dies habet exactiter. Decennium Iulianum eodem modo 3 652.5 dies, saeculum Iulianum 36 525, millennium Iulianum 365 250 dies habet. Anno Iuliano Spatium lucis annuae, vel spatium quod lux in anno transit, computatur. Hic annus fuit basis Calendarii Iuliani quo mundus Romanus ab anno 45 a.C.n. usque ad annum 1582 usus est.

Annus Gregorianus

Annus Gregorianus, qui aequat 365.2425 dies, definitus est ut punctum aequinoctiale vernale circiter accurate semper die 21 Martii correspondat. Hic annus est basis Calendarii Gregoriani moderni.

Annus Sothicus

Annus Sothicus spatium temporis inter ortus Sirii (qui Graece Sothus antiquitus vocabatur) heliacos. (In 'ortu heliaco' stella vel planeta super orbem finientem ad orientem versus apparet.) Hoc spatium temporis est idem fere ac spatium Anni Iuliani (365.25 dies). Aegyptii antiquitus hoc genere anni usi esse putantur.

Annus Platonicus

Annus Platonicus, sive Ambitus Aequinoctialis ambitui totorum aequinoctum per eclipticam congruat. Hic ambitus, qui circa 25 700 annos (Iulianos) permanet, propter velocitatem precessionum mutabilem exacte cerni non potest.

Data quae ad calendaria spectant

Quae praecipua ad calendaria lunaria spectant

353, 354 vel 355 dies — usitata spatia temporis anno, qui calendarium lunare habet.
354.37 dies — 12 menses lunares; saepe spatium temporis anno, qui calendarium lunare habet.
383.9 dies — 13 menses lunares; annus bisextilis in nonnullis calendariis lunisolaribus

Quae ad calendaria solaria spectant

365 dies — saepeius spatium temporis anno, qui caldendarium solare habet.
366 dies — annus bisextilis multis calendariis solaribus
365.2564 dies — annus siderealis
365.25 dies — spatium temporis Anno Iuliano
365.24219 dies — annus tropicalis mediocris anno 2000
365.2425 dies — medium spatii temporis Calendario Gregoriano

Gregorianus annus mediocris habet 365.2425 dies = 52.1775 hebdomades = 8 765.82 horas = 525 949.2 minuta.

Annus cotidianus habet 365 dies = 8760 horas = 525 600 minuta.

Annus bisextilis habet 366 dies = 8784 horas = 527 040 minuta.

Ambitus 400-annos Gregoriani calendarii 146 097 dies habet ut 20 871 hebdomades adeo habeat.

Nexus interni

Vicipaedia:Annus

Bibliographia

Fraser, Julius Thomas. 1987. Time, the Familiar Stranger. Amherst: University of Massachusetts Press. Bibcode:1988tfs..book.....F. ISBN 978-0-87023-576-4. OCLC 15790499. Textus interretialis.
Whitrow, Gerald James. 2003. What is Time? Oxoniae: Oxford University Press. ISBN 978-0-19-860781-6. OCLC 265440481.

Nexus externi

Bureau International des Poids et Mesures, The International System of Units (SI). ed. octava. Organisation Intergouvernementale de la Convention du Mètre, 2006.

Mensura temporis: series paginarum brevium


secundum • minutum • hora • dies • hebdomas • mensis • annus • lustrum • decennium • saeculum • millennium Systema Internationale • Dies hebdomadis • Menses