Juma

Juma — piyshembi hám shembi arasındaǵı hápte kúni.

Juma (arabsha — jám bolıw) — 1) Grigoriy kalendarında hápte quramına kirgen kúnlerden besinshisiniń atı; 2) musılmanlar kalendarında altınshı kún atı. Islam dininde "sayyid ul-ayyom" — kúnlerdiń muqaddesi sıpatında ullılanadı. Juma kúni pesin namazı ornına Juma namazı oqıladı. Imam-xátipler namaz aldınan yarım saat shamasında mavʼiza (diniy waz) oqıydı. Soń eki márte azan aytılıp, úlken jámáát penen namaz óteledi. Musılman mámleketlerinde Juma kúnin dem alıs kúni dep belgilegen bolsa da, negizi bul kúni dem alıw shárt emes. Sebebi Quranı Kárimniń "Jumʼa" súresinde: "Juma namazın oqıp bolǵanlarıńızdan keyin (kásip-óner, sawda-satıq jumıslarıńızǵa qaray) tarqap ketiń hám Allanıń nesiybesi (rızqı)n sorań" (Abdulaziz Mansur awdarması) delingen.